قصيده \ اخذ مني الفرح

[سلام الدراجي]

اخذ مني الفرح واخذ أحلى الأيام


واخذ شتريد لا ما كول كافي


بس رايد گلب بحضانة ارتاح


يغرگني بحنان وعشك دافي


يبو گلب الوفي وينبض للعيون


وحس بالليل چنه بصدري غافي


أحس وي النبض اسمك أناغيه


وبآچفك ارتوي من عذب صافي


من اشتاك أحس بروحي وياك


ومن طيفك يرد لگلب شافي


حاير من تچي شلون احجي وياك


يل طولك ثلج والناري طافي


محتاجك تجيني العمر خلصان


ومن بعدك صدك يبست شفافي


غيرك ما أريد الهاي العيون


ورب ألكعبه والسبع ألطوافي


أبحضني اتنام وأنت العني بعيد


وأحس وي النبض گلبك يوافي


إذا هاي البشر ترتاح بالليل


انه الليل كله انظم قوافي

الشاعر


سلام الدراجي

[سلام الدراجي]

بارك الله بيك ابو اماني على هاي الكلمات الرقيقه ومرورك الطيب الجميل والله يااخي مرورك يسعدني كثير تسلم والف شكر

[حيدر القريشي]

قصيده رائعه جداا
ونتمنى ان لا تكون الاخيره
تحياتي

[سلام الدراجي]

تحياتي الك حيدر والف شكر وان شاء الله لن تكون الاخيره

[ام فيصل]

مبــدع اخي العزيز الـــزير

كلماتك تحمل الشجن والحزن الذي يلازمنا اينما كنا


كل التقدير لهذه الكلمات / تقبل مروري عضــوة جديدة

[سلام الدراجي]

اتقبل مرورك وعلى راسي واشكرا للكلمات الجميله الرائعه وان شاء الله يزول الحزن والشجن من عراقنا الحبيب

[ابو علي الصكر]

الزير الغالي000
ابعث اليك الف تحيه ملئها الشوق والحنين000
عزيزي الروماني00
كلما تمر الايام وتمضي الشهور احس بك انك حقا مبدع
وفنان بصياغة الكلمات العذبه والرنانه00
بدات ترسم على صفحتك لوحات فنيه بديعه ورائعه بروعتك
وجميله بجمال احساسك ومشاعرك المرهفه00
كلماتك في هذه القصيده معنونه ياترى لمن؟؟؟؟؟؟؟؟؟
على حال انت رائع بمعنى الكلمه وخصوصا لمن يعرفك جيدا يعني مثلي00
غايه في الروعه ونتمنى ان لا يجف قلمك والله يبعد عنك شيخوخة الشعر لانك ما زلت تبدع وانت في اول الطريق ننتظر منك المزيد يا غالي00000000000
اخوك للابد وهذه هلهوله لك منكل قلبي
الصكر

[سلام الدراجي]

رد رائع من اخ رائع (رب اخ لك لم تلده امك ) والله يااخي افحمتني بردك الجميل وقلبك الحنين الذي ينبض بالحب والمشاعر الجياشه الف شكر اخي العزيز تحيه لك من القلب