نصيحة

[رنا العراقية]

تستاهل اذمك وحجي كلشي أعليك
وأغطك بل الحبر ومليلك الصفحة

لان صوتك خرس والصدك منه انشال
وبعد كلبي أنقفل ماظنك تفتحه

وجه كبحي ألبسه وياك ياحيال
وصم اتراب أطشه بعينك الوكحه

أمسحك من وجودك ونته تعرف زين
واردك للمهد ياناكر الملحة

إذا جنحك نسل لاتطير ويه صكور
تره فرق الجبل معروف عن سفحه

يصح منجل رجيج وما يفك الدين
حوه العاكول بسنونه وخطه القمحة

ويصح منجل اصيل مخاوي للمحراث
حفر بيده السواجي وما خذل فلحه

مشراكه السراب وما يغطي الكاع
مثل حبل الجذب متوازي تذبحه

الدمع غيره وتشيله عيون بعض الناس
يحس روحه رخص لو بخلت ابمسحه

انصحك صير مثلي وناصف الحبوك
وحش حمزه دكلي شكسب من رمحه



منقوللللللللللللللللللللللللللللللل

[سلام الدراجي]

أمسحك من وجودك ونته تعرف زين
واردك للمهد ياناكر الملحة
والله ما تلامين بيه ويستاهل . انتقاء رائع للقصيده بارك الله بيچ اختي العزيزه