المشاركة الأصلية كتبت بواسطة محمد السوداني
احبك حب ماينكتب وصفه
وعليك الكلب مثل الذهب وصفه
عليمن يكتب الدكتور وصفه
خدودك والشفايف صيدليه
,,,,,,,,,,,,,,,,,,,,,,,,,,,,,,,,,,,,,,,,,,
وشل لاتضن عيني بها ماي
كثرن طكاتي ياصاحبي بهاماي
اذا يبصم بالرضى الكم بهاماي
اكطعه الجان يرضالي الرديه
,,,,,,,,,,,,,,,,,,,,,,,,,,,,,,,,,,,,,,,,,,,
وحك الريت والياريت وليت
مفزع واندعي من يوم وليت
ياوالي من عليه بجفاك وليت
وبعد عينك منو العينه عليه
,,,,,,,,,,,,,,,,,,,,,,,,,,,,,,,,,,,,,,,,,,,
روحي برشف فدك من عداها
احب وصلك وهابك من عداها
افراكك يوم احمله,,,من عداها
ازورك لوتصير احزاب اليه
,,,,,,,,,,,,,,,,,,,,,,,,,,,,,,,,,,,,,,,,,,,
دخنت من التتن دنهل وسومر
وكلبي من هواكم زنجر وسومر
احبكم من عهد بابل وسومر
ولك حته حمورابي انكسر كلبه عليه
منقول,,,,,,
تحياتي لكم
محمد السوداني