ابوذيات الولع

[مسره]

حبي وياك وزنته وقاسي
ليش انت جلد قلبك وقاسي
لاح العيد للداني وقاسي
واكول العيد يمته يلوح اليه



سودني هواك وكثر جنه
مكاتيبك ولا فديوم اجنه
حبك ياحبيبي نار جنه
نارك جنه لو تكبل عليه




جرح الهجر بالدلال ولمن
ويحملي من الهموم اطنان ولمن
وصرت اجمع بكايا الروح والمن
وطشه على الحريج اليشب بيه



سعيد العايش بلا هم على الراح
واني الدهر جواني على الراح
يدمع العين دم يجري على الراح
الراح ارتاح وانا النار بيه


بقلمي

[العراقي الاصيل]

ابو ذيات في قمه الروعه تقبل تحياتي اخي العزيز ولا تحرمنه من جديدك

[محمد السوداني]

ابوذيات جميله جدا سلمت اناملك واتمنى لك المزيد من الايداع
تحياتي لك ولقلمك الذي يقطر عسل,,,,,,,,,,
منتظرين المزيد

[نور حيدر]

مشكور يااختي على الابوذيه