قصيده \ شحجيلك بعد

[سلام الدراجي]

شحجيلك بعد

شحجيلك بعد ما عندي كلمات
محروك ألگلب من كثر الآهات
مجروح ألگلب بس صورتك بيه
بنص ألگلب يحضن هيچ وجنات
دمعاتي بغيابك مثل يعقوب
على يوسف بچه وزادت النكبات
أسيرك هل ألگلب لا أتعذبه وياك
جن طير أنذبح ويريد نبضات
أريد أنسى ألمحبه وأنسى السنين
مثل ما راح ننسى الثلث نجمات
ما ريدك وريدك واني محتار
مثل يوسف الطاح بهيچ ظلمات
نار البل ألگلب تسعر ولك حيل
مثل أضباع فكدت هيچ لذات
عگب ذيچ ألمعزه وأحله الأيام
اهرب من زماني وكافي ويلات
زماني معذب وحامله چيلات
رمح جساس جنهه أيريد طعنات
أتعبت كافي وبعد ما أريد الهموم
جنهه أهموم خنسه وتبچي حسرات
كيف أنسى المضى وبدمي نبضك
إذا دجله عطش مو انت الفرات
رسمك بالگلب موجود أصلا
شلون أنساك وأنت بدمي قطرات

الشاعر
سلام الدراجي

[ابو علي الصكر]

الاخ الروماني المحترم000
قصيده جميله ورائعه جدا00
ننتظر مزيدك00
الصكر

[سلام الدراجي]

اشكرك اخويه العزيز وبارك الله بيك تحياتي الك والى البصره الغاليه

صح السانك يالزير والله قصيده رائعه

اخي الزير روماني قصيده اكثر من رائعه وتستحق الوقوف انتظر جديدك

[محمد السوداني]

عزيزي الزير تحياتي الك قصيده رائعه ,,,,,,,,,,,,,انا سعيد جدا بكتاباتك الاخيره
اتمنى لك كل التوفيق والمزيد من الابداع,,,,,,,,
تقبل مروري اخوك
محمد

[سلام الدراجي]

الاخ ابو ما لك الف شكر وانت رائع

[سلام الدراجي]

اخي حيدر تسلم وتعيش ياورده