1التوجع2الصبر والرجاء3الصديق

[محمد السوداني]

1التوجع >>>> للشاعر جودت التميمي
يكاس العمر ماظلت وشل بيك
ويجرحي لشوكت تنزف وشل بيك
تكلي ليش متمر وشل بيك
تهت منهو اليدليني عليه

2الصبر والرجاء>>>> للشاعر عبد الامير طويرجاوي
همي من كثر يذبل وراها
ونار الكلب مايخمد وراها
كل شده يهل وادم وراها
فرج والفرج من رب البريه

3في الصديق>>>> للشاعر عباس الخياط
الصديق اللي نشوفه نقي ونظيف
نود كل يوم نبدي اعليه ونضيف
على طيبة نجمل طيب ونضيف
بكثر معنى الحروف الابجديه

تحياتي لكم
محمد السوداني

[غفران الحزين]

تسلم على النقل الجميل
وفي الحقيقه ابوذيات جميله
والاجمل ذوقك في الختيار

[محمد السوداني]

مشكور اخي العزيز غفران على تواجدك الدائم والداعم
تحياتي الك ياغالي اخوك محمد

[ابو علي الصكر]

تسلم وتعيش على هذا الانتقاء الرائع00
وهذا من جمال ذوقك يا ذواق000
اخوك الصكر

[محمد السوداني]

اخي ابو علاوي تحياتي الك ولتواجدك الرائع الذي يقيم
احتفالا في داخلي لك مني كل الود والاحترام ,,,,,,,,,,
اخوك الدائم محمد

[العراقي الطيب]

حبيبي محمد الوردة مشكور حبي مشاركة روعة


الصديق اللي نشوفه نقي ونظيف
نود كل يوم نبدي اعليه ونضيف
على طيبة نجمل طيب ونضيف
بكثر معنى الحروف الابجديه

[محمد السوداني]

اخي العراقي هذا من طيبتك وعراقيتك
لك مني كل الود والاحترام واشكرك على المتابعه والتواجد الرائع