ابوذيات
الدنيا الف صورة لاقطلها
وابد ما صرت ثلعلب لا قطلها
انه اقلامي اتركتهه لا قطلها
شكتب بعد ما يقرون بيه
احبابي عيوني راحت من اجلكم
واجل الدنيا كلها من اجلكم
ياهو الي حرفكم ياهو جلكم
وكطع حبل الوصل منكم عليه
وحق من غنت الاطلال ونساك
ما تحله الليالي بغير ونساك
وصوتك مو مثل كل صوت وانساك
ولا مر النسيان يوم بيه
أمرني وألبيلك عسل بيك
وعساهن بيه يفترن عسه البيك
حنضل لو ضكت خدي عسل بيك
وشفتك للنهد وجبه شهيه
بيا أية حسن ابدي وشبهان
وحبك نار يمدلل وشبهان
اتمنى اغفه على خدودك وشمهان
وحط خد على خد وهاي هيه
وانه الحب صرت انه دوالي
الي وله تصير بكليبي دوالي
دكتوري وصف وصلك دوه لي
لان هجرك مرض مزمن اليه
اريد امشي نهار الصيف وسعه
على ام حلك الصغير وعين وسعه
يحفار الكبر بله عليك وسعه
بلكي تصير موتتنه سويه
بعد ما اغزل لغيري ولاحوك
لان لا ردي اليستاهل ولا حوك
غشمه وصوبوك انته ولاحوك
وعنتر بالحجي صاير عليه
يكلبي الي تحبها رابطلها
وحرز بالروح صدك رابط الها
انه الشاعر واسوي رابطه الها
وخلي اهل الشعر تحتار بيه
حلو وحلاك خي ملحك ومر بيك
وفعل ما اضن مضارعلك وامر بيك
اذا ترغبني اوصلك ومر بيك
وخل تهاجمني رموز الطائفيه
الشمس تعله وشعله منها
تره وجنت حبيبي شعله منها
والعين تكره شعله منها
مثل ما تكره الروح المنيه
شكثر بجه الزكت طيبين ومرد
وحرك منهم سويد الكلب ومرد
اليطلب جان مني علك ومراد
صرت من ارتجي واطلب عطيه
بعدك صرت اسوي النوح ويبات
ولا خلي دليلي يهيد ويبات
الحزن وياي طول الليل ويبات
بفراشي ويسولفلي عليه
العشك ما مات ينبض لسه فينه
وكعدنه وبعده نايم لسه فينه
يامه البحر لوله للسفينه
وتنام بحضنه جانت كل مسيه
رد مع اقتباس
رد: ابوذيات
