قصيده بعنوان \ معنى الحسره للشاعر ليث النعيمي

[سلام الدراجي]

يسمر تعرف معنى الحسره ... يعني النار

ليش اتزيد بصدري العبــــره ... وليش احتار

رتك شمعه اتضوي دروب

دربي بحبك يالمحبوب

وانعيش الايام الحلوه وننسه الصار

***

مشتاك اسمع ذيج الضحكه وذاك الصوت

بعدك صرت اتمنى ايمرني بسرعه الموت

هيه الدنيه شتسوى بدونك

ظلمه وداعت هاي اعيونك

انته النور بعمري وبعدك ماكو انوار

***

هوه شصار ابيني وبينك حتى اتروح

منك يسمر ما استاهل هيج اجروح

وعدك لسه بكلبي وعيني

كتلي افديك بكل اسنيني

تالي اتروح ما تتقبل اي اعذار

***

يسمر تعرف معنى الحسره يعني النار

نص غنائي جميل وشكرا على النقل

[سلام الدراجي]

اشكر اخي حيدر والله يبارك بيك

[ابو علي الصكر]

اخي الروماني المحترم

تعيش اوتسلم يمناك على النقل الرائع
دليل على ذوقك العالي
تقبل مروري
اخوك الصكر000

[سلام الدراجي]

تسلم ابو علي تبقى عزيز علينه ياورده

[محمد السوداني]

اخي وعزيزي الروماني تحياتي لك ولهذا الانتقاء الرائع كما تعودناه منك كلك ذوق
تقبل مروري اخوك
محمد

[سلام الدراجي]

الف شكر ا اخويه العزيز ابو جاسم الورده