علمنه الحزن((منقول))

[همس الغروب]

بجيت ودمعت عينك على الراح
يادمعة الترد يفلان ماشين

نشفهن ادموعك خاف العيون
تعمه وماتشوف اليمها باقين

عليمن تبجي..؟؟هن هواي الجروح
وانت لكل جرح ينرادلك عين

عمه يعكوب يوسف واحد الراح
شجم يوسف فقدنا واحنه صلفين

شوف اشكد صلافة ابهاي الايام
نضحك من نشوف الناس ميتين

علمنه الحزن نضحك للهموم
ويمر بينه الفرح دمعة مجانين

يامرخص عمرنه الجي والراح
شخذنه من الوكت بس تعب السنين

اخذنه الشيب واحنه ابلف الكماط
وتجاعيد الوجه صارن نياشين

.................................
تحياتي

[ابو علي الصكر]

االاخت افراح ليش ما كملت القصيده 00
رائعه والله وبديعه 00
ننتظر المزيد
الصكر

[سلام الدراجي]

علمنه الحزن نضحك للهموم
ويمر بينه الفرح دمعة مجانين
الاخت احزان حقيقه قصيده جميله ولكن ليش كل كتاباتك حزن تفائلي اختي العزيزه وان شاء الله تعود الامور الى طبيعتها ودمتي للافراح
اخوك الزير روماني

[حيدر القريشي]

عاشت الايادي الي كتبت هالكلام
تحياتي