لكل مدينة قصفت
قصيد مخيفه للشاعر الكبير عريان سيد خلف
هذه القصيده من كلامات الشاعر الكبير عريان السيد خلف
مهدات الى جميع العراقين
.................................................. .......................................
وهي ترمز الى مدينه قصفت بعنف شديد ....
تقول :
الحيطان منخل والدروب احفور
والبيبان صرخه بلا صدى ولاصوت
صفنت كَمبره بوحشة مِسيّت اكَبور {أي طيرالقنبرة}
ووجوه الزغار الحاضنه الشباج
باكَة ورد ذابل بلّ الحزن محصور
والنظره متاهه وخوف يرضع خوف
من يهتز قفل حسبالهم شاجور
من يهتز قفل حتى الطيور اطير
مرعوبة جنح وبلا وعي ادور
ما ظل لا ملاذ يلوذ بيه الخوف
بس حسرة مراره بحشرجة مصدور
كَامت والجراد اسراب تتله اسراب
من تسكن الريح يعشش المنثور
كَامت والمناير تختلي وي ناس
وتخاوي الرصاصه الصكر والعصفور
كَامت والبشر موبشر ،غابة زور
يحصده العصف ويلوجه التنور
حتى الماي ورّث والتوى الصفصاف
شاحب والنهر من كثر غيظه يفور
والموت بصلافه ايدكَ على البيبان
ويوزع عليهه السِدرْ والكافور من الموت
كَامت والدكَايكَ ترضع من الموت
كل لحظه بطبكَ كل ثانيه بعاشور
كَامت والدكَايكَ ترضع من الموت
صفنت رحى الكًَاع، ورحى الموت ادور
كَامت من دخيلك ياعلي الكرّار
موهاي القيامه؟ المن بعد مذخور؟
موهاي القيامه المن بعد مذخور....؟؟؟؟
رد مع اقتباس
رد: لكل مدينة قصفت
رد: لكل مدينة قصفت
