الى كل أم عراقية .... إختارها الله لجواره
على اجتافي شلت لو وطــــن لو تاريخ
لو جثــة حضــــاره اجتـــافـــي شالتهه
شيعهه الدمــــع والعــــوز و الحرمــــــان
بوصيتهــــه مشيـــــت وهاي طلـبـتهه
ثكَيله بكد حزنهه اعله الوطن من ضاع
ثكَيله بكد شرفهــــــه بثكَـــــل دمعتهه
من بغداد فرعت أمي كظهه الغيــــض
كَامت بالعبـــــــــايه اوياهه ضمتهــــــه
اويا القرآن عِشره ومن دناهه المـــوت
لي هسه تـــــــون بكتابـــــــــه آيتهه
الكعبه اشكد كريمه وتعرف المحتـــاج
ولأن أمي فقيره الكعبـــــه حجتهــــه
ما بجاهه أمي الوكـــــــــت لمــــن دار
وكتل خلك َ الصبــــــــــر بعيون مهجتهه
بس أذكر حمامه إنكسر بيهه جنـــــاح
كسرت ظهر أمــــــي وحيل بجتهــــه
شيلتهه اعله حايط شالهه البسمــــار
الحايط كله طــــــاح وبقت شيلتهــــه
أمي شكد تحب البيــــــــت والتنــــــور
والفرحه التجــــــــــي ومتدوس عتبتهه
إخذ حتى المنيه تحبهه أمي أهــــــواي
و حبتهه المنيــــــه وهســـــــــه رادتهه
هلال العيد نفسه ايدك َ عليهه البــــاب
يخجل من يجي وميجيـــــــــب فرحتهه
أمي اتعودت لبس الثياب الســـــــــود
حقهه وفاركَـــــــــت كل فرحه هجرتهه
بس فرحة الزهرة البيهه تفرح نـــاس
رادت تفرح أمي و نســــــت ضحكتهه
الوحشه بليل حزني تصلي وحشه اوياي
و تسّبح شفتهه بنفـــــس سبحتـــهه
إجتني بلا شعور تكَلي وحشة بــــيــت
وحشه تريد عونــــــــه تشيل وحشتهه
شمعة بيت أمــــــــي إكَبال ريح العـــوز
طفت بس شطفت والحركَه شعلتهـــه
كَدامي فراشه إكَبال خـــــــدي اتطيـــــر
عالخــــد مو ورد بس أثر بوستـــهـــــه
و أذكر ويا أخوتي وجنــــــــــه بيهه ازغار
شكد جعنه بوكتهه وشوف حكمتــهــه
ما عدنه خبز و العدنـــــــه بس ادمــــوع
وضكَنه امن الدمــع كل طعم لوعتهـــه
كل واحد جرح خوانـــــــــــي بس اجروح
عدا بس الجبير الجــــــــــــان لجمتـــهه
ما حطيت صــــــــوره اعله الكَبر نيشان
متعمد بهاي وهـــــــــــــــاك قصتهــــــــه
خيمه ابمكَبره وخيمه اعله سبع أيتام
وأم وكَبر أبوهـــــم وســــــط خيمتــهه
جبت أمي اعله أمي وكلت ما وصيج
أشوفن بيج أمي وإنتي صــــــورتهه
ويا جادر يلمهم عدنه فقره هـــــواي
هيج أم الفقيــــــــر الفقـــــره عبدتهه
رد مع اقتباس
رد: الى كل أم عراقية .... إختارها الله لجواره
