صورة سكنت بالمقابر

[غفران الحزين]

الى ارواح الشهداء والامهات لهم مني السلام

بالمقابر نلكة صورة
طافت البلدان كلها وية جنحان النوارس
وبالمقابر نلكة دمعة
دمعة امي يم ابنها تحرسة حارس
ويا دماء الشهداء
امتدت ويه الصوره صوره
وترجة نمسح من وجها ..
تراب كل ضيم السنين
وانة همي خيط مغزل بيد جدي
وصبر جدي متاني خاجية جديدة
بيها كل خيط الحزن
يغزل قصيدة
وما اريدة
ما ريدة
الباع صورة
صورة الضحو بدمهم
همي حاير
يغرف بمشحوف حزني
ويرتجي تصحى الضماير
وتخبز امي
والحطب من ضلعي نار
باعت امي كل ذهبها
تريد ناكل بالحصار
ومن مشينة .... ما لكينه الصورة يمك
انتة يل ما نشف دمك
كمت ادور
وين هاي الصورة راحت
وما دريت ؟
ما دريت العبرة حارت
بعيني دمعة ...
تخاف خجلانة شتكلك
ضاعت الصورة...
وتخاف اتبوح سرها
احتارت الدمعة بعيوني شلون تنزل
وحارت اعيوني بامرها
الدمعة نار
بعيني تحرك
وانة خلصني الحصار
وامي تلطم
تدور الصورة الغريبة
كافي يمة ...
كافي اكلها الراح ما نكدر نجيبة
يمة دمعاتج تلجمة
ولنها روح امي تطوف
تكلي ما امشي اذا ما الكة صورة
ما اروح تكلي امي
ابقى اضل مزروعة يمة
حتى كل لحضة انة ازورة
وانتة صورة
انزرعت بحزن الصور دمعة يتيم
وانة اهيم ...
بضحكتك كل عمري اهيم
تورد بروحي قهر وازمة حصار
وبية نار
النار تطفة لكن انتة ما طفيت
وانتهيت
بعيني صورة
بروحي صورة
انتة وامي
ترافكيتو صحبة حلوة
وانة وحدي
ضلت الذكرى بدليلي
انتة صورة
وامي صورة
صورة سكنت بالمقابر

الله عليك كلمات مؤثره ورائعه شكرا لك اخي الي مااعرف اقره اسمه


تقبل تحياتي

[غفران الحزين]

شكرااااا على مرورك الجميل اخي الزير سالم

تحياتي الك
غفران الحزين

[فلــــــه]

عاشت الايادي غفران كلمات جميله ومؤثــره
لاعدمنا منك .. بالموفقيه
تحياتي
.
.
فلـــه

[eye]

شكرا على القصيدة
الرائعة والمعبرة


تحياتي وتمنياتي لك
بالتالق الدائم

كلمات حزينه و مؤثره
بانتضار المزيد يااخي المبدع

يايمه لا تبجين ابنج تراني بس الوكت غدار منج خذاني

[غفران الحزين]

شكراااااا على مرورك الجميل