ابو ذية

[طارق حداد]

اريد ابجي وانوح عليك ولطم
خذو مني وصفالي صخام ولطم
العاشك ما ينفعة الكبر والطم
بيوم الحشر ونصبلة عزية


وحك الله وحك رسلة وكتبة
وحك الليل كضيتة وكتبة
انة شمكعد لمكتوبة وكتبة
الدمع كبل الحبر ينزل بدية

طلع ولفي الصبح نازل من السل
حبيبي خدودي محفورة من السل
لفاني مرض بعد اعظم من السل
يوم الرحل من هاي الثنية

[ابو علي الصكر]

الاخ طارف العزيز000
سلامتك من السل00
وما فرحت من شفت حبيبك منسل00
بيوت جميله جدا ولا تؤاخذني لعدم الردعليها واحسبه علينه ابو زياد الورده000
ودمت للمزيد000

[طارق حداد]

اشكرك عزيزي ابو علي وفي المرة القادمة اريد ردك