مساجلة الابوذية من جديد ...

[غفران الحزين]

كل الاخوان الي عدهم بيت ابوذيه يعني عاجبهم ويرددوه
حته ويه نفسهم خلي يشاركون بيه اني اول من راح يبدي
وانشاء الله تعجبكم الفكره وارجوا التثبيت


انه حد الموت احبنك واريدك
اصيرن دم الك ودخل وريدك
شتظن الروح تطلبه ويردك
ياخويه انته صدك اعظم هديه

[ابو علي الصكر]

حبيبي00
يفت اكلوب من يمشي والكباد
بهجرك يا ترف حيلي ولكباد
عكب ما جان حبنه ولكباد
تبيحه وننفضح بين البريه
0000000000000000000
لك كل المحبه

[southman]

الناس بية تلوم كلي يخي شلها
وجروح كلبي وسعت واصعب علي شلها
انة ضليت مثل السفينة البلبحر شلها
هوة شرجي وتسرد شراعي علية

[ابو علي الصكر]

الله 00الله00
حلوه000

تعال وشوف همي عده انته
وكلبي اشعده غيرك عده انته
ازعل الناس كله عده انته
لان زعلك يزعلني عليه
مع التحيه

[eye]

الخوي الناصح الحبك ولك بر
صدره ضيج الغيرك ولك بر
والاحسن من وسع صدره والأكبر
يطيح اوياك لو طحت بهبيه


تقبل مروري
مع التحية

[غفران الحزين]

العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية

شكراااا على مرورك الجميل

حبيبي عليك كلي من تجنه
يكول نار جذب منته جنه
تعرف شيصير بيه من تجينه
قبل بلب القلب ياخذ تحيه

[غفران الحزين]

اختي سرى شكرا على مرورج
أحبك واليحب مجنون ماشاف
وكلبي لغير شخصك أبد ماشاف
يظل جرحي ندي وللدوم ماشاف
بسبب هجرك يبو ذات الردية