ما خذ وياي العراق بجنطه

[انجي العراقية]

ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه

وراح نوصل… ذاك حد السيطرات
وذيج ضوايات المحطه
وين اضمها.
لا هوه اكتاب ويخليه المسافر جوّه أبطـــه
الحمد لله.. الدنيا ليل… ونقطة التفتيش سنطه
هاي نقطه ويمها واحد
نقطتين. ثلاثة. خمسه
ست نقاط ويمها واحد!!
تنحسب مليون نقطــه

وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال سلطه
بجرة السَحَاب شافت عينه نجمـه
وطگته ريحة الحنطــه
ما لگه غير العلم.. گلي شيـفيدك
گتله غربه ,,إحنه غربه
ومن نموت هناك… جا بيش انتغطه؟
أخذ للجنطه تحيه… وگلي توصل بالسلامه
وهاي أول مره أفوت بسيطره…
وما انطي رشوه وتستعد گدامي شرطه.

[ابو علي الصكر]

يمعود ولك درجع

--------------------------------------------------------------------------------


مشتاك انه الك يل سافرت لبعيد
يمته اتعود اليه بيا وكت ترجع

حبست ادموع هجرك من رحت لليوم
حته اكبالك يطيح الدمع يدمع

ضميت الحزن وبعيني شلتك طيف
اتاني النوم بلكي ويه الحلم تطلع

احس كليبي يبجي وما يبطل نوح
ما يعرف يمل وما عرف يهجع

ما اسمعني اني وكلبي يبجي بصوت
اسد بيدي اذاني وبلكي ما اسمع

واشوف الناس كل واحد حبيبه وياه
ترد من كل كتر دماعتي الك تنبع

لاتكطع خبر واذكر عشرتي وياك
مرسالك انطره سنيـــــــــــن لاتكطع

يانجمة عشك بييه وتضل تلمع
ارجع كافي يمعود ولك درجع

كل عمري يريدك وانه والله اهواك
يل ما بطلت بييه الجرح تزرع

اجيك انه اعتنيلك كلي دربك وين
انه الخاطرك بالموت صرت اطمع

لان مشتاك الك يل سافرت لبعيداخاف تضع مني وما بعد ترجع
اخاف تضيع مني وما بعد ترجع
صهيب السامر

[ابن الوسط]

يعني شنكول لانجي والصكر بس انكول الله يوفقكم

[ابو علي الصكر]

عزبزي ابن الوسط00

المشه ولمامشه اثنينهم غربه000

واحد غريب الدار اواحد غريب الروح00000000

الباقي في وطنه بلا احباب غريب اونص

لك تحياتي