أمانه عليكم تكتبون 3 شغلات صارت الكم اليوم

مرحبا شباب....مرحبا بنات....
شخباركم اتمنى تكونون بخير يارب...
أمانه على كل واحد يدخل ألهنا لازم يكتب 3 شغلات صارت ويا بهذا اليوم يعني اتخصكم ..... وسواء كانت هاي الشغلات فرح ام حزن.....
اتمنى يارب ايامكم كله افراح.....


وهسه اني راح ابدي ب3 شغلات صارت ألي اليوم......

1_اليوم حجيت ويه اخويه واني صارلي هواي محاجيه ويا لان مسافر وكلش فرحت من سمعت صوته واطمأنيت عليه...
2_صارت شغله اليوم كلش حلوه وكلش خلتني سعيده,اكو ابنيه محتاجه مساعده علمود اتسوي عمليه جراحيه والحمدلله الله رزقني علمود اساعد هاي البينه يارب اتكوم بسلامه...
3_شي كلش محزن هذا الي ديصير بالبلد الحبيب العراق والي دنشوفه ونسمعه يعني هذا الشي الوحيد الي يبعد الفرحه عن عيون العراقيين كلهم(يارب تهدأ الاوضاع ونرجع للبلد وانام بحظن العــــــراق)




تحيــــــاتي لكم
روعــــــه العجيلي

[مهند البكري]

تسلم ايدج يلغالية على الموضوع الاكثر من رائع
والله لايحرمنا من ابداعج عيوني انتي
الشغلات الثالثة الي صارتلي
الاولى اتعاركت وية ولد مااعرفة بس اتعدة على صديقي الاغلى من اخوة ومقصرت وية
والشغلة الثانية انه اتعاركت مرة ثانية ساعة بالوحدة الظهر وية واحد كا يسب بدون معنى
وهم اتعاركت وية وهذه الشغلتين الي معصبتني هواية
بس الشي الي فرحني انه جنت نوي ااجل هل سنة كليتي لان كنت اتصور بالكورس الاول
مو زين بس الحمد لله طلع تقديري جيد جداً وراح اكمل باقي السنة ومراح ااجل





تسلم ايدج عيوني انتي على الموضوع الاكثر من رائع




تحيااااااااااااتي

[اميرة الورد]

اليوم اني رحت للجامع بصلاة الظهر ومن دخلت كانت جالسه عندي امراه كبيره ساعدته على القيام ومن وقفت دعت لي دعوه جميل بكشل وهذا شي اسعدني بصراحه
اليوم اني رحت مع هلي للغدا واخذنا صور كان يوم جميل
واني اليوم راح اطلع بسير اشتري سياره

شكرا لك وتقبلي مروري

1.صليت ورجعت نمت
2.رحت انه وابوي لمكان
3.نحرق قلبي من اهلي حطوا الاخبار وضجت من الاخبار واليصير بالعراق وخاصة بالبصره والله نحرق قلبي

[ابو علي الصكر]

اول شغله00

صديقي انجرح في المعركه الاخيره في البصره00اجريت له ععليه وكانت خطره جدا لكن الحمدلله نجحت00

ثاني شغله

قدمت اوراقي لكليه لانال اختصاص ثاني غير مجالي وانقبلت000

ثالث شغله

القو القبض على حوت كبير وصاحب اكبر مافيا في البصره وهذه الفرحه الحقيقيه000

ودمت للعراق

[انجي العراقية]

طبعا هسه يمي الساعه 9 صباحا بتوقيت الامارات ..الوقت مبكر شكول.....
1..استيقضت من النوم ...صليت ودعيت لاهلي وخاصا امي
2..بوست ابني عمره شهرين ولعبت وياه لحد ما نام
3..جلست اقرأ مشاركات زملائي ...وشكرا
........................................................