احلى الأبوذيات البصراويه

حبيبي انت جميل وحيل فاتن
ولك عشر أسهام بالكلب فاتن
وأتمنه اني فوزي وأنت فاتن
وعسانه نموت بالركه سويه



وحك الفوك ماتت راسي بيهه
يضل حبك بكلبي راسي بيهه
عشرتك لون كطعو راسي بيهه
سيوف الموت احسهن واهليه


اقوم أجلالن لحسنك وأقف لك
وأسجل قلبي يا خلي وقف لك
واحطك بكلبي وأقفلنك وأقفلك
وأقفل كلبي وأقفلكم عليه


حبيبي الشوك لا تكطع وصاله
الك بكلبي جم غرفه وصاله
نجوى تروح الك فدوه وأصاله
أو ياهن لطيفه التونسيه

ننتظر ردكم على الأبوذيات لكي نجلب الأجمل

احلى وحده الاولى ام الركه
عاشت ايدك ابو جاسم على هاي الابوذيات الحلوه
وننتظر جديدك

بعد التحيه والسلام مشكور اخي على كل ماتقدم ابيات جمليه ورائعه نتامل منك الجديد اخوك البصراي
مرة سايل
مرة الدمع ناشف مرة سايل
ومرة احتار شكتب من رسايل
انامرة انشد عليكم ومرة سايل
ومرة انتظر ساعات المنية