غزل على الطريقة الخرافية

[العراقي الطيب]

من يمي تمر يتخربط التي v))
والصورة صعب تنشاف ومغوشه
ومن اتروح يصفه وترجع الصورة
گزاز ادگول ما بيهه أبد رعشه
وديته المصلح ما عرف علته
بس اني اعرفت حسنك يبث وشه
وعالوساده جبت راسي وردت أغفه
واجه رسمك گبل بفكاري يتمشه
شال الفكر كله وطير النومه
لأن مثلك چذب مرت عليه لشه
ولك شعرك زلال وبالنده اتگصه
وشعر الناس صوف امهوس وكفشه
ولك عينك بحر والجفن روجاته
والتايتنگ غرگت من طبگ رمشه
واذانتك اتخبل سمعن الهمسه
واذانات البشر ما تسمع وطرشه
وخشوم الناس چنهه اقلام مو حلوه
وخشمك خشه لكن حلوه هالخشه
وشفايف الوادم خشبه صدگني
مو مثلك اشفافك بالمس هشه
واصوات البشر غربان من تحچي
بس صوتك بلابل غردت ابغبشه
واتحده اليغش الذهب فد مره
والسانك ألف مره الذهب غشه
وباقي اوصاف وجهك نورت الظلمه
أوجوه الناس صدگ بالظهر وحشه
وچتافك حديقه ورگبتك ورده
وحلو ابنص الحديقه هالورد هرشه
وخصرك چن خصر لعابه يمعود
ومثل رمان صدرك صدگ ابكمشه
وعله أرض الورد لو داسن اجدامك
تخجل من حسنهن الارض تتغشه
مو مثل البشر تختلف أوصافك
صح همه ملك بس حسنك ايكشه
ولك أمك اتنست بيك بالطاوس
وباقي الأمهات اتنست ابشه
ما يهديك ربنه وتعطف اعليه
وندغده سوه لو سوه نتعشه
ما خابر أبو وأصرف السنتات
وألك كرتات أصرف لو تدگ رمشه
لأن كلك حلو من جدمك الراسك
وتخبل يعمي وتسوه هالحرشه




م ن ق و ل

[دلع البنات]

ههههههههههههههه
حلوووووووووووووووة
مشكوووووووووووووور على النقل الجميل
أرق تحية من القلب

[حمودي الانباري]

ههههههههههههههههه مشكووور على النقل الجميل

[دنو الشجن]

عااشت ايدك الي نقلت القصيده ههههههههه