ابوذيات ...((( لعيونكم الحلوات))) .........

[خوخة الانباري]

ذهب تيزاب محبوبي وسم بيه
وبين الناس اذكرنه وسم بيه
الزهر بالماي لوجبته وسم بيه
اجرعه ومايتم كل الم بيه

حبك سرى بدمي واصبح المنهاج
دخلت الدرس وماشفت منهاج
وصدري وجعني وسالت من هاج
جاوب حبيب الروح سائل علية


لون بعدك يصاحب ون عليه
وعليك ايصيح ميهم ون عليه
الك ابجي وانوحن وانعه ليه
النعاوي اتخلي روحي تموت بيه

اريد اكتب رسالة بحبر من دم
وعلى عمري الكضيتة وياك مندم
انة شما ضحيت للطيبين مااندم
بس اندم عالصديق الخان بية

امس بالطيف شخصك يخي مرلي
گلتله فرگك اصبح حيل مرلي
اضن جي گلت للبيت مرلي
ضجت مني وگطعت الوصل بيه



اعيوني عمت بفراكك ولاجت
واخويتك صارت الغربه ولاجت
وكلبي لا حصد حبك ولاجت
وافراكك يا كلب صدك اذيه


بيه جروح يصعب علي شلهة
وجور الوكت كل عضاي شلهة
الدنية وياي من غايات شلهة
خذت حيلي وبعد شتريد بية


عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه

أشد حبل الوصل ولكاه ...محتال
السبب لن التريده الروح ...محتال
سكن كلبي ورضيته يكون ...محتل
وجبت الكرسي ريسته عليه



منقـــــــــــول

[كرار الرسام]

يكلي شلون تزعل هو ضربني
ولو هاون قذيفة ما ضربني
جمع قسم بكلبي رد ضربني
طلع حبك صفر من اصل ميه


راح ابتعد عن المحبوب واهجرة
لان طول غيابة وهجرة
اتلثم واطب لبيتة واهجرة
واسويها شغلة طائفية


هذا ردي بحقك عيني
وانمنا ان تكتبين الشعر

وتقبلي مروري



كرار الرسام

[جراحالقلوب]

مشكوره على الكلام الحلو وتحياتي الج وهاذهترف شامة اعلى خدة بيرة بيهة
وجنتةالدمع حافر بيرة بيهة
ضكت طعم الشفايف بيرة بيهة
بستهن والسكر بين علية

**** **** ****

أنه الميت بطعناتك شعـــــدلاك
وحده اثنين شحسبلك شعـــــدلاك
عوج من جدمك لراسك شعـــــدلاك
عدلتك وانگطعت أبين أديه

**** **** ****

تهت ما تعرف الباعك والشراك
مثل طير الوكع بالفخ والشراك
دجوز من الكفر والشك والاشراك
وشوف الله بمحبتة اشلون نيه

**** **** ****

طمني عساك ابخير يالغالي وسلامه
واجمل تحيه الكلب يبعثلك وسلامه
نموت احنه وتعيش انت ابسلامه
ونظحي برواحنه الروك هديه
ردي

[دلع البنات]

شكررررررررررررررررررررررررررررا
على الأبداع المتواصل
أرق تحية من القلب الى القلب

[العراقي الطيب]

الله عليج ياغاليةةةةةةةةةةةةةةةةة مشكورة وردة

اريد اكتب رسالة بحبر من دم
وعلى عمري الكضيتة وياك مندم
انة شما ضحيت للطيبين مااندم
بس اندم عالصديق الخان بية

[خوخة الانباري]

مشكوررررررررررررررررررين ع الردود الجميلة


الله يخليكم


تحياتي للجميع

[بنت الرمادي]

مشكوووووووووووووووره على النقل الحلو يا حلوه

[ماجد العامري]

مشكورة اخت خوخة الانبارية على النقل الرائع والذوق الرفيعحلو كلششش

تحياتي