جمالك مو طبيعي /غزل
عود انتة بجمالك مثل باقي الناس
وعود الصورك خلاك تشبهم ؟؟
كبل لا يخلق الله الناس سواك
وخلة كبالة انتة وكعد يرسمهم
وخلاك انتة جنة وكلشي بيك هناك
وجمع بيك الانهار وصار منبعهم
ملائكة الجنان اطفال اليموتون
ماشربو لبن بشفاك شربهم
وصبرا ال ياسر كالو العمار
مو بالجنة صبرا بيك صبرهم
لان صرت انتة جنة وبيك حور جنان
اذا معناتة بيمن بيك بشرهم
الناس اتصلي كامت حتى نص الليل
غايتهم الجنة وانتة غايتهم
ولهذا السبب كمت ادعي للمعبود
بيك ايحطني همة بنار يشمرهم
حتى ابقة انة اضلن وحدي افتر بيك
وحتى اسمع اغاني ملحنة بعودك
يجوعني الفرح جي وحدي باقي وياك
ومد ايدي عليك واكل خدودك
واحط شفافي فوك شفاك اشرب ماي
واغسل عمري كلة بكطرة من جودك
واتمدد عليك اتغطة بالمنثور
واحط راسي وانام بحضرة انهودك
واتفرج مسلسل اسمة بالاحلام
ويتم العرض من شاشة اعيونك
ومن يبدي العرض وتنطفي الاضواء
انور دربي كلة بلمعة اسنونك
جمالك مو شغل تسعة وتسعتين
وعسل موكيلو شايلك تسعتين
عدد اسماء للخالق تسعتين
وخلق من عندة انتة وصرت مية
م ن ق و ل
للغاليةةةةةةةةةةةةةةةةةةة
رد مع اقتباس
مشاركة: جمالك مو طبيعي /غزل
