قصيده للشهيد ابو ريشه

[الجهراء]

سمع صوت العراق وصاح لبيك
جمع كل العشاير وانتفض بيها
اسد مايعرف الذله ولا الخوف
كطع دابر الموت وكل ضواريها
ابن اجواد متربي بدواوين
الكرم والجود اصله وهو راعيها
ماخلا فقير يبات جوعان
ولاخلا الغريب يطب باراضيها
تعنه الكلفة قاسم قسم احرار
ينظف ديرته من كل شواذيها
زهت بيه الرمادي وفرحت الانبار
كلها بصوت واحد لفت ناخيها
كسر ظهر الارهاب ورجع التكفير
لجحورة وحسرته بذل يجر بيها
ابد ماهاب موت ولا سكت عالضيم
مشة بدرب الكرامة بروحه يشريها
بس ياوسفه غدروا بيه الانذال
مثل ماغدروا بابوه وكل رمز بيها
ابجي ياعراق الطاح خيال
وبدمة الشريف الغيرة ساكيها
ابو ريشة اصيل بكل جزء بيه
شهيد الوطن يبقى ونوره ماليها
اله بكل قلب لوعة وينحلف بيه
علم اسمه ويرفرف فوك صاريها

[cyranoo]

جميلة هذه الكلمات و الخاطرة كذلك و لكن لا عتبر المقطع ( ها ) قافية
فارجواتلافي هذا الاشكال حتى تتكامل الخاطرة او القصيدة

تقبلي تحياتي اختي العزيزة و مروروي المتواضع
اخوك سيرانو

[العراقي الطيب]

اختى العزيزة تحياتى الك والله يرحمه ويرحم جميع الشهداء مثلة

العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني

[النجفي العراقي]

اختي العزيزة مشاركة جميلة ورحم اللة الشهيد ابو ريشة0

[حسام الرسام العراقي]

شكرا على المشاركة الجميلة جدا

[حمودي الانباري]

مشكوره مشكوره على القصيده الرائعه على اسد العراق ابو ريشه وانشاء الله التقدم يا رب وتحياتي الج