قصيدة شكد حلوة بيك الدنيا للشاعر عبد الكريم محمد حسون الخشالي

​حلوة بيك الدنيا
حلوه بيك الدنيا من تكبل عليه.....ومن تغيب انه اشوفنه سجن
انه كضيت العمر بس اقرا بيك.....لا ترسبني لون بيك امتحن
يل ملكت الروح كلها......يمته كلبك يعطف اعليها ويحن
مو شفتني شكد أحبك ......ومن كثر حبي الك رحت انه جن
من رحت تيهني دربي .....يلي شوفتكم وطن
لا تخليني ابحر حبك مسيس .....يلي موجك عالي يغرك السفن
مو خلص عمري مثل شجرة براري ......لا ندى مرها ولا مطرة مزن
فدوه رسيني على برك .....يلي برك احلى من جنة عدن
شكد تمنيتك تجيني .....وتفتح اكليبك اليه وبيه تدفني دفن
وانه ظليت بغيابك.....مثل شجره بليه اوراق وغصن
لا بعد طير اليمرها .....ولا كعد جواها واحد يستجن
ولك مر بيه ابتسامه ......وامسح الدمعات من فوك الجفن
وخلي كلبك يستمع نبضات كلبي ....ولو سمعن بلجي بيه ما يظن
انه صدكني احبك....والشهود اثنين بيهم تطمئن
كلبي يشهد بيك ذايب......من بعد ما تشهد عيوني العمن
يا فرح ما ظكت طعمه......هاك كلبي ونزعه اثواب الحزن
وارسم البسمه على شفتي .....وشلع من كليبي اشجار الشجن
وخلي كلبي وكلبك يغط بالمحبه .....ونعتبر تاريخ حبنه يبتدى من هالزمن

3/4/2012

[محسن المفرجي]

قصيدة رائعه يامكرم يسلم من كتبها ونقلها
تقبل تحياتي ومروري

القصيدة جميلة وشكرا لك على هذا التواصلالشاعر كريم حمود السلطانيكربلاء