قصيدة بحق الامام علي كرم الله وجهة

[العراقي الطيب]

اجي الباب القصيده مشرع ومفتوح اريد ادخل واخــــــــــاف من اذكر الطبره

علي مو اي بشر يكتب عليه كلمات علي سر الاله المــــــــنعرف ســــــــره

جامعهن علم والحرب لجل الدين علي نفسه علي بالصــــــــوله والكره

علي جفه غضب تنزل على الكفار بس اعله اليتيم تصير في شـــــــــجره

علي زارع البسمه بشفت الايتام وبخدــــــود النواصب زارع الســــــــطره

قوي وما ينكسر وشكثر طب احروب بس دمعة طفل لو طـــــــاحت اتكسره

يصبر جن جبل وكت الصبر معروف بس اعله الشرك ما واحد ايصــــــــبره

ما اذكر بعد خيبر وقلع الباب خيبر جن لـــــــــغز ما واحد ايقســــــــره

اصلا ماكو باب اتعـــــــــاندت وياه حط جفوفه حيدر صــــــــــارن العـــــــــبره

ومو دمعت حزن وابجيهه حتى ارتاح مهي طيحت علي بدلالي جن جـــــــــــمره

اذا كالو علي مو بيدي هيه العين تفك باب الدمــــــــــــــع ويطيح عالفطــــــــره

مو بس البشر عشكو علي الكرار كل مخلـــوق من حيــــــــــــــدر طلب نذره

ولذلك بالضريح شكد تطوف ارواح وحمـــــــــاماة ابامان اطوف عالحــــــــــــظره

اخذ دمع السمه وبجي على الشباك تشــــــــوفه اكبال حيدر ما صبح كـــــــــطره

امحراب العباده شكثر وكفو ناس وصــــــــــــلو للاله وخشـــــــــعو بكـــــــــثره

بس حيدر علي يختلف عن الناس خلص ركعته بمحرابه حــــــــط عمـــــــــــره

م ن ق و ل

[ارشيف الفرات]

الله الله الله الله الله الله الله

عاشت الايد اللي كتبت وعاشت الايد اللي نقلت

حياكم وهذا البيت عاجبني لان بيه راشديات

علي زارع البسمه بشفت الايتام وبخدــــــود النواصب زارع الســــــــطره

**********************************

بس التوقيع شويه مامناسب ولو حاليا ً

ارجوا المعذره

[ابو نرجس الشمري]

علي الدر والذهب المصفى وباقي الناس كلهم تراب بارك الله فيك ايها العراقي الطيب

[العراقي الطيب]

مشكورررررين للمرو والتوقيع شلتة ليش عو د لان بيه راشديات حبيتيه ها تحيات ىالج



ابوطنة الضحكة زعلت من الحلوك

والعيدية دوم امزاعلة الايد

يجينة العيد جان ومامش هدوم

هسة هدوم عدنة ومايجي العيد

[ابو تمار النجفي]

مشكور يا طيب وفعلا الطيب اسم على مسمى ................