ياصدرالأمه المضلوم

[الشيخ ابوحيدر]

نعزي الائمه الاسلاميه ونعزي انفسنا بفقد المولى المقدس محمد محمد صادق الصدر<ق> الشريف واهديكم هذه القصيده بمناسبة الاستشهاد الشريف

بكَلوب انصارك مظموم.... يابومصيفي يامظلوم
نبـﭽـي بحصره,,,,,,,, يبن العتره
ياصدر الامه المظلوم
الجمعه الاجلك كامت تبجي...... والمنبر بعدك مذبوح
ﭽـي ماسمعت بعد اذانك....... كامت بس تلطم وتنوح
تنوح الزهره,,,,,,, لن عل غبره
ياصدر الامه المظلوم
بعد عيون محمد صادق ...........نرفع رايات الاحزان
ميلوﮔـنه بعد الملبس ...........بـــــس تلوﮔـنه الاكفان
تبقه الحسره ,,,,,وتبقى الجمره
ياصدر الامه المظلوم
بعــــــد الكلا ماعفناها........... وللموت نردد للموت
يالتابوتك موبالغبره.......... بـﮕـلوب الشيعه التابوت
ليوم المحشر,,,,,,, نبجي ونشغر
ياصدر الامه المظلوم
منعوف الاسود يامحمد .....عنوانك اصبح معروف
كل جمعه بحزنك تجدد...... احزانك والعين تشوف
بعد جفوفه ,,,,,,تصيح الكوفه
ياصدر الامه المظلوم
بقلم الشيخ ابوحيدر الشويلي

[محسن المفرجي]

باركك الله اخي الغالي على هذه الكلمات المعطره والمباركه للشهيد البطل وليث الوغى وصاحب الكلمه الهادفه
اللهم العن قاتليه ومن خطط لقتله ومن سعى لذلك الغرض ومن سمع بذلك ورضي به .ولك خالص تحياتي