شبيها الدنيا

[العراقي الطيب]

الوطن

----------------------------------------------------------------------------------------------

شبيهه الدنيه بس ويانه شدة حيل

وبكل قسوه تجرح بينه -----

كل ما ننهض من عشرتنه تزيد الويل

يا دنيه البينه مكفينه

رحمي وحني شويه علينه

طفح الكيل

يمتى انت الفرح تراوينه

جبنى العمر احزان او ونه وظلمه وليل

هم تطلع شمس تضوينه؟

متلازم ويانه الاه شلون يشيل

يعصر بينه كضه سنينه

نصبر ونكابر ونزيل

فوك المر تذبح سجينه

خويه شبينه دمي ودمك ليش يسيل

نتنطر غربه تداوينه

هاك ايدي مد ايدك انته نعدل الميل

محتاج الوطن وتكرم عينه

افتح صفحه واطوي الفات صاح الريل

بالديره حمد متانينه زعلت والله دلال الكهوه

ويبجي الهيل

الديوان يصيح اشتاكينه لم اجروحك

ومسح دمعك والي يمسحه نجم سهيل

وبعلو اسهيل اتعلينه وتبقى اعراقي

وبيك الزود

وبهمومك كل احنه نشيل

[سواد الليل]

السلام عليكم عراقي الدنيا مو معاك بس بس احيانن تكون شاده على ناس اكثر من ناس والله يسهل عليكم ويسر اموركم يارب وهاي منى الك ولك تحياتي وباقه ياسمين يا من عودتنا شم العبير الزكي يا بلسما حين كان غيرك علقم وحلاوه حين كان الزمان ارقم وتحياتي الك

[cyranoo]

مشكور اخي العزيز عراقي الطيب على موضوعك
و شكرا جزيلا على اثرائك للمنتدى لكل ما هو جميل من اختياراتك الاجمل

تقبل تحياتي اخوك سيرانو

[العراقي الطيب]

تحياتى للجميع ويارب بعد ماكو شدة من الدنيا


شوقي ماتحمتله
وحنيني ولهفة ايامي
احس بغربة من دونك
احس بوحشة ايامي
لانك ضوى لعيوني
ولانك فرحة ايامي
اخاف الوصف يغدرني
ومااقدر اوصف حبي لك اكثر