قصيده للام

[شهوده]

يمه ألج هاي الرسالة وصدكي مكنوبة بدينه
يمه يلبيج الشفاعه ومثلج أحنه ما لكينه
يم كلب بيه الحنان وبنعاويه غفينه
يم حليب الهيل طعمه ومنه أحنه أظوكينه
كبرتي أجيال أنتي ومنج أحنه أتعلمينه
شنسه من تعبج ييمه وعينج الساهرة علينه
يم حضن دافي ويلولي وبحضنج أحنه أشكد دفينه
شكد تعبتي أعلينه أنتي والتعبج أحنه ما وفينه
أنتي بيج الكوت يحله ونتي شمعة هلمدينه
أنتي يم وجه الفليح وبوجهج أحنه أتباركينه
كلبي ألج مشتاك يمه والعين سهرانه أوحزينه
شريان الكلب أنتي ودمي أنتي توزعينه
أنتي يا دجله و الفرات وعله مايج أتعطشينه
الهوه والزاد أنتي ومنج أحنه أتنفسينه
أنتي يا مسرة البواخر ونتي أشراع السفينه

ناخي من الله يحفضج ومدخلج أبحيدر علينه

تسلمي اختي على القصيدة وبصراحة انا بكيت.

[ارشيف الفرات]

مشكووووووره والله الام تستاهل بعد اكثر


عاشت ايدج شهوده

تقبلي تحياتي

[العراقي الطيب]

روعة انتى تقدمك بديععععععععععععععععععععععععع


الدنيا علمتني بصغر سني
انه الجف الغريب سيوف سني
عراقي مو مهم شيعي وسني
شلون اذبح عراقي اعله الهوية

[cyranoo]

الام حتى لو نظل نكتب عنها
لا و الله لم و لن سنوفي حقها

تقبل تحياتي
اخوك سيرانو

[محمد البغدادي]

مشكووووووره على القصيدة الرائعة

[العراقي الطيب]

تحيااااااااااااااااااتى الك

سلام الله عليك شلون محبوب
تطب الگلب وتطيب جروح
لو تبعد عليه العقل احسه مسلوب
ولو تزعل عليه وتروح
اعيش اليوم كل اليوم مجلوب
اسم الله على اسمك يبعد الروح
تزعلني وتسهرني من حبك ابد ماأتوب

[ارشيف الفرات]

شكرا لكي ياليت تكتبين منقول وتنتبهين للقسم المناسب
اخ الطيب ياليت تنتبه للقسم المناسب كونك مشرف هذه الاقسام
ينقل للقسم المناسب وهو الشعر الشعبي