يا قمر ... شعر شعبي عراقي

[خوخة الانباري]

يا قمر..(شعر شعبي عراقي)



بهيده على بختك يا كمر .. مساهر واريد اشكيلك



انه غريب ابدنيتي .. مضيّع وادور ابليلك



عن ربعة اهلي ، ودلّة الديوان ، ومواويلك



عن ضحكة البربين لعيون الدلو



عن رقصة الصفصاف والماي الحلو



عن صحبتي، وخلاني , وعيون النهر



بهيده على بختك يا كمر



***



يا غربتي ...



غربة عصافير التودع اعشوشها... برفّة جنح



ويا دمعتي ...



دمعة الكاع التبكي موت اهروشها... بجيت الملح



يا دار اهلنا الطاهره ... مر العمر



عيون اليحب امساهره ...ومامش خبر



بهيده على بختك يا كمر

***



وك يا كمرنه مروتك ... حنّي الشواطي بدمعتي



كلهم كبرت اعله الصبر...والونّه صارت غنوتي



مشتاق ابوسن دجله... واشرب مايها



واعزف ترانيم المحبّه بنايها



دجله الهوى ، والسوق ، والحب ، والسهر



بهيده على بختك يا كمر

منقول

[العراقي الطيب]

الله على التعبير موفقة كلك رقة تحياتى الك اختى

[خوخة الانباري]

مشكوررررر على مرورك منور الموضوع

والله يوفق الجميع

[cyranoo]

الاله حلوة هاي الكلمات من تمحوريها
تقبلي تحياتي
اخوك سيرانو

[العراقي الطيب]

تحياتى الك والله فقدنا اضوائك انيرى لنا انيري


اجمل محطه
اذا ماحبج انت..
اشلون احب الناس ..؟؟
يا أول غرام بصغري .. وبكبري
وإذا ماشوفچ انتي ..
اشلون اشوف الناس ...؟؟
وآنه ابغير شوفچ بي قصر نظري !!
حبيتچ سهر ..
وايامي غابة ليل ..
وبس وياچ اسهر
يابعد عمري
اذا مو ألچ اكتب ..
ما احس بالشوگ ..
وآنه العله مودچ .. اكتب ابشعري
جربتچ اهواي ..
وشفتچ اوفى الناس ..
يا أول حبيبة اتحملت قهري

[خوخة الانباري]

مشكوررررررررر العراقي الطيب

منور من زمان

تحياتي الك

[كرار الرسام]

مشكورة على هذا النقل
كلمات جميلة بحق


وتقبلو مروري


كرار الرسام

[النجفي العراقي]

اشكرك اختي العزيزة على هذا الوصف الشعري الجميل0