دلللول يالوطن يبني دلللول
شعبك هجروه وساكن الچول
دلللول وصفت بيبانك مقفلة
وانشد عالذي يفتح المقفول
مهجر؟ معتقل؟مخطوف؟
لو جثة ممددة والاسم مجهول
دلللول وشوارع ديرتي تصفر
صفت بس للغريب ايصول ويجول
صبة وسيم شائك والدرب عاثور
وقطعه چبيرةعالفرع ممنوع الدخول
وعيون بلا وجوه تناظرك
بيها الذهن شارد والعقل مذهول
يتخايلك عبوة وحزام ناسف
ويشوف نفسه بلا كتل مكتول
وين رايح ؟امنين جاي؟اشعندك هنا؟
اسال يلي تسال بس ارحم المسؤل
ما رايح ترىاني عالقصر
راجع ترى من الشغل والحيل محلول
دلللول يالوطن يبني دلللول
عسى كل من راد ذلك دومه مذلول
دلللول ودلللول ودلللول....
شعبك هجروه وساكن الچول
منقول من مهرجان مسابقة القصيدة العراقية
رد مع اقتباس
مشاركة: دلللول يالوطن يبني دلللول
