ادخل وشوف .......... ابوذيات + اوبذيات

[خوخة الانباري]

السلام عليكم

اليوم جبتلكم ابو ذيات يارب تعجبكم



بعد كلبي على شوكك مالحنه
بسبب عنبك جفوفي مالحنه
ابد مابيك غزر مالحنــه
كلت زادي ونويت تعظ اديه

يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه

روحي اشتاكت لشخصك وحنيت
ولويت ظلوعي بفراكك وحنيت
وحقك جاجبت حنه وحنيت
عتبة داري لو مريت بيه

الوكت غثانه كلش ولمانه
وتراده ووله خيره وله امانه
هدم بيت الجمعنه والمانه
وخرايب ظلت الجانت زهيه


ابد مايوم من همك خليتان
وبعد خل ينتضر كلبي خليتان
اخبرك بالجسد ظلن خليتان
الك وحده اوهبتهه ووحده اليه


الليالي بكاسهن حنظل حسلي
ومثل ما احسنت محد حسلي
لهجن واشرد بهدمي حسلي
ولا اشوفن حلالي وماهو اليه


البشر لو مات كلبه ماتشوفه
وضمير الناس جنه مات اشوفه
عسن عين اللي حكلهه ما تشوفه
عمه اسود صابهه لحد المنيه


يمن ليك الكلب يخفك ولاجن
وشوغاتك كلن عمري ولاجن
صدك تنساني يمعود ولاجن؟
هذاك انته الجنت تغفه على اديه


على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه


صرت من كثر ظيمي منخلاني
ولا شفت الفزعلي منخلاني
بعد ما احسبه صاحب منخلاني
وحيد وضّحك الشامت عليه

[ارشيف الفرات]

خيتي خوخه من القوانين المنتدى ان تضعين موضوعين في القسم الواحد وانتي تضعين اكثر من ابوذيتين في هذا القسم ياليت تنتبهين على القوانين
مع ارق التحايا

[ارشيف الفرات]

ياستي لقد عرفت مجددا ً انه يمكنكي ان تضعين اكثر من موضوعين في القسم وهذه تغييرات جديده لم اكن اعرفها لكن فقط انتبهي للقسم الذي تضعين فيه اشعاركي الجميله وشكرا لكي

[روح المجروح]

ااااااااااااااااااااااااااااالله مثير حلوه تسلم أيديج

أختج روح المجروح

[خوخة الانباري]

اختي ملاكالرحمة بس فهمني على شنو والله تخبلت

تحياتي