دارمي للوطن .............ولكل من يحب الوطن

[خوخة الانباري]

شهداء الوطن
---------
كل سنه بهذااليوم يمنه تسيرون.
بعده الوطن ماطاب خافن تنشدون .
صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون .
..............

وصيه
-------
كلما تمر ذكراك أرجع البيتك .
الوطن لاتنسوه جانت وصيتك .
الوطن ماننساه ولاننسه أسمنه .
لابد يجينه يوم نحقق حلمنه .
الوطن لاتنسوه يلغبتوا عنه .
بعده حزنه امجيم بديار أهلنه .
..............
صمود

اصبر وشد الجروح وأنزف فلا اطيح .
حتى الوطن ليضيع وي عاصف الريح .
.............
تساؤل
------
أكعد يبعد الروح شوف أ شجرالي .
مدري ابجي علبغداد مدري أعله حالي .
........
حقد
يردونك الشمات غارك بالهموم .
صدكني مرعوبين من صحوة اليوم .
..............
لقاء بعد 25 سنه مع أمي
---------
من أمي ما حسيت طعم الملاكه .
كالتلي الأمريكان صارولي ساده .
كلتلهه يمه أتهون مده أويولون .
كالتلي والعباس ماظنتي يمشون .
.............
خيبه

وي أهلي ما حسيت لهفه للعناك .
حلمي وحلمهم جان مو هذا العراك .
..................
شكوى

ألمن بعد أشكيه همي ومصابي .
وألي أشتكيله صار هو عذابي .
.............
حيره
ريبه وكثر وهواس والحيره زادت .
بين الكلت والكال وادمنه تاهت .
................
أستغاثه
_______
هذا العراق أيصيح وين النشامه .
ذلوني هاي أسنين كافي المهانه .
أنهنت ونذليت محد فزعلي .
تاليهه ناس أجناب هي الخذتني .
..............
امنيه
--------
يمته حزنه يزول وتزول الهموم .
ويمته كمرنه أيعود ونزفله النجوم .

[رامي البغدادي]

مشكوره اختي خوخه على هذا الدارمي مشكوره مره اخرى

[روح المجروح]

يعطيج العافيه كثير حلوه هذي الدرمه

أختج روح المجروح

[الشاعرابومهند النجفي]

آه الوطن بالروح وجروح إجروح
لابعد يجينه يـــــــوم ونبطل النوح

تحياتي

[خوخة الانباري]

مشكوررررررررررررررررررررررررررين على ردودكم

تحياتي

[العراقي الطيب]

انته وانه حسين وبحبك جنان

وفاز من ضحى على حبك فازة

صيح حيهم ياوطن تلگه الرجال

تصير الك سيف وجسر وجنازة

لم جراحك ياوطن وتوّچه گوم

[العراقي الطيب]

انته وانه حسين وبحبك جنان

وفاز من ضحى على حبك فازة

صيح حيهم ياوطن تلگه الرجال

تصير الك سيف وجسر وجنازة

لم جراحك ياوطن وتوّچه گوم

اليوم كلنا نصير الك عكازة

[خوخة الانباري]

مشكوررررررررررررررررررر ين على الردود الحلوة


وتحياتي للجميع