على ترابك يا عراق تدوس الهمررر؟؟؟؟

[رامي البغدادي]

على اترابك تدوس الهمر يعراق
وانته الي ابترابك علي الكرار
يا أطهر أرض موجوده بالكون
كل شبر ابترابك والله ينزار
لا غلطان اكله الكال ترتاح
ما ترتاح ابد يعراق الاحرار
لأن ليك الشرف والغيره عنوان
صفيت ابلا فرح واحزانك اكبار
عراق انته صرت ضلع ام الحسين
من ردت الباب اوطگه بسمار
وصرت منحر حسين ابيوم الطفوف
من خنجر شمر كطعله الاوتار
وصرت يم الفرات اچفوف عباس
من طرهن السيف الباشط الحار
ومثل عيسى اصبحت يعراق مصلوب
ونفس امصاب زينب بيك هم صار
بالميدان شعبك وحده مجروح
صفه مثل الحسين ابلايه أنصار
حرت يعراق ابدي ابقصتك امنين
كلهه احزان والله ودمع من نار
من جسر الأئمه اوموت عثمان
الفزع لمن سمع اصوات زوار
لو جسر الحديد الطاح عل ماي
واجزائه اعله دجله اصبحت طشار
لو من دمع أمنه الماوگف يوم
الفگدت كل ولدهه اكبار وزغار
لو چويت رحيم الشاعر المات
لو ذيچ العروس الماتت اطوار
لو من الحلفو ما يبيعوك
اوباعو حته شعبك لجل دولار
مو وكت المطر بس مطرت اسماك
الحزنك يا وطن تبچيلك امطار
ولا وقت الشجر ويذب الاوراق
لكن من مصابك تبچي الاشجار
منو مثلك حمل يا موطني احزان
دار انته لچن ما تملك الدار

[ارشيف الفرات]

مشكور رامي

سلمت يمناك اخوية

[خوخة الانباري]

مشكووووووووووووووووووووووووووووررررررررررر اخي رامي

عاشت ايدك

تحياتي

تقبل مروري

[روح المجروح]

يعطيك العافيه أخوي كثير حلوه

أختك روح المجروح

[ارشيف الفرات]

السلام عليكم ورحمة الله وبركاته
وهناك محطة للعطاء
عطاء لاحدود له
من بحر العواطف
فهل مررت بها
لتغدق علينا بقصائدك الجديدة
لن اوفيك حقك لن اغطي قدرك
ولن اصل الى فنك
وننتظر جديدك

[العراقي الطيب]

تحياتى الك ياوردة شعور واضح

[cyranoo]

مشكور اخي رامي على هذا الابداع
تقبل تحياتي
اخوك سيرانو