الله اشكثر ناس اجرموا بيه..

[نظرات تؤرقني]

جثيرة اجروحي الي بكلبي
شضمد يا جرح واثنين
......................................
تعودت انجرح واسكت عالجرح طيبة
وخلصت العمر جرح بصف جرح
اباوع عالجروح اتعجب الدنيا
ليش العمرراح اجراح
ليش الاحبة يشكك بحبي
وعجيبة الشك يصير بموضع يقين
اشكثر راحن من عندي مودات
وكل اللي عافوني ما عفتهم
وبقوا للكلب تذكار
صرت شط المجاتيل
يومية بي جثة
وحدة ابلا راس
او وحدة بلا هوية
اذا متريدني كول ليش تظم علية ؟؟
واذا تظلم بختك وتظلمني
اعوفك وادير العين لاحزاني
وارجع نظرات تؤرقني بكل وكت
وارجع يا محب خسران منك ليش
اللـــــــــــــــــــــــــــــــــــــــــــــــ ـــــــــه
اشكثر ناس اجرموا بيه .

[النورس الجريح]

دائما مبدع بل اصبح الابداع عنوان لك
كلمات رومانسية حزينة كأنها عزفت على اوتار بتهوفن
تقبل اعجابي بقلمك المميز

[نظرات تؤرقني]

شكرا صديقي العزيز النورس
فأنت نورس شواطئ المنتدى
تحياتي الك
يا صديقي
ممنونك