اسولفلك واسولف بيك-- اسولف للكمر عنك
اكله حبيبي ظالمني-- كل هم الكلب منــــــــــك
تواعدني ولا توفي-- وفي جنت اني احسبنك
بدربك انتظر ساعات-- بلكي تمر انطرنـــــــك
لانك نور بالعينين --- من اغمض خاف اظلمنك
حاير يمي عيني شلون --- اصيرن عد حسن ضنك
حلفت لو مره نتلاكه-- بنص ذرعاني اشبكنك
ابو راسك وخدك-- ومن الشفه امصنــــــــــــــــك
الوليلك بدلي اللول-- وعلى افخاذي انيمنــــــــــك
واظل اتمثل بحسنك ---- واحيرن بيش اوصفنك
الشمس تخجل من الوجنه- اختفت خجلاته من حسنك
العسل مر من ظكت ريجك- عفته وصرت ارشفنك
الوان العطر شميت-- عفتهن كمت اشمنـــــــــــــك
شسولفلك عالبكلبي-- اخاف عليك ادوخنــــــــــــك
صدك انته نور العين --- بيك انته اشوفنـــــــــــك
انته الهوه البالريه---- سر هذي الحياه باسمك
ديمومة حياتي انته ---الماي انته الاشربنك
ياشريان البكلبي --- يانبضي الانبضنــــــــــك
ياحلمي الاجه مرات --- غمرني بنور من حسنك
يااهلي واهل اهلي --- صدك موت احبنك
بكد الكون احبنك