قصيده واجب قراءتها والتمعن فيها

[ابو نرجس الحلي]

السلام عليكم ...انقل اليكم اليوم قصيده غايه في الروعه للشاعر وسام الشويلي فيها عبر ومواعظ كثيره ارجوا من الجميع قرأتها والتمعن فيها وتردديها لكي نحاول ان نقلل من ذنوبنا واطاعة الله ورسوله ...اتمنى لكم التوفيق


باجر يسألونك وتتحاكم ... وين كظيت العمر يبنادم
يا بنادم التفت وأسمع الصوت
لاتغرك ولد وأموال وبيوت
شكد تريد تعيش تاليهه تموت
وتدري ملك الموت مايتفاهم
باجر يسألونك وتتحاكم .... وين كظيت العمر يبنادم
العمر يمشي وهاي ساعاته تنوب
وأنت يومية بأمل باجر تتوب
شنهو رايك تحط لذنوبك ذنوب
ورايد احمولك بعد تتراكم
باجر يسألونك وتتحاكم .... وين كظيت العمر يبنادم
الموت ماتعلم بيا ساعه يجيك
وحصتك تخلص بعد وشلون بيك
يصير كبرك بيتك وينسد عليك
وآه من ضلمته من تتلايم
باجر يسألونك وتتحاكم .... وين كظيت العمر يبنادم
الكبر بيت الدود وبوحشته يظيج
لا ولد وياك لا خل لا صديج
يبقه الك بس العمل هو الرفيج
وايده بيدك للقيامة ملازم
باجر يسألونك وتتحاكم .... وين كظيت العمر يبنادم
تنسأل عن اربعة بيوم الحساب
وانت يبنادم شعندك من جواب
بالحشر وكفتك يم رب الأرباب
صعبة وأنت وياهه ماتتراهم
باجر يسألونك وتتحاكم .... وين كظيت العمر يبنادم
عن شبابك تنسأل أول سؤال
بيمن ابليته يبن آدم تعال
جنت تمشي بطاعت الله وبالحلال
لوجنت تاخذ اعراض العالم
باجر يسألونك وتتحاكم .... وين كظيت العمر يبنادم
والسؤال الثاني عن إفلوسك إمنين
بيا وسيلة مجمعة وديت وين
قاسمت بالمال رب العالمين
لو جنت وي ابليس تتقاسم
باجر يسألونك وتتحاكم .... وين كظيت العمر يبنادم
لون مالك منجمع من الحرام
اقره يبنادم على الرحمة السلام
الله مايرحم إل كل كلبه ظلام
الله يرحم ناسنه التتراحم
باجر يسألونك وتتحاكم .... وين كظيت العمر يبنادم
ولو حلال المال يالمالك جثير
هم عليه تنسال وكّبالك يصير
لايتيم انطيت منه ولافقير
ولا بفعل الخير مالك ساهم
باجر يسألونك وتتحاكم .... وين كظيت العمر يبنادم
يابنادم ثالث الأسئلة يكون
بيمن فنيت العمر وانكّظه اشلون
على الظالم جنت للمظلوم عون
لو معه الظالم جنت تتسالم
باجر يسألونك وتتحاكم .... وين كظيت العمر يبنادم
والسؤال الرابع يكطع النياط
وي أهل البيت عندك ارتباط
لو كلت ماعندي ...؟ تهوه من السراط
وراسك يبقه والصخر يترادم
باجر يسألونك وتتحاكم .... وين كظيت العمر يبنادم
ولو جنت صك الولايتهم تحوز
عل السراط وشدته انت تجوز
ماتطب للنار بالجنة تفوز
حيث يشفعلك نبينه الخاتم
باجر يسألونك وتتحاكم .... وين كظيت العمر يبنادم
آنه اقدملك نصيحه وأرد أكول
كونك تريد النجه بساعة الهول
على مصاب حسين واسيهه البتول
ودوم خلك حاظر بهل مأتم
باجر يسألونك وتتحاكم .... وين كظيت العمر يبنادم
******

قصيده قمه في الروعه
كلماتها تتضمن الكثير من المواعظ
صح لسان شاعرها وسام الشويلي وجعله الله في ميزان حسناته
والشكر كل الشكر لك اخي العزيز ع الانتقاء المميز
تحياتي مع خاص التقدير

[ابو نرجس الحلي]

شكرا جزيلا على المرور اخي ايليا الغانمي ....لك تقديري

[ابو نرجس الحلي]

شكرا جزيلا على المرور اخي ايليا الغانمي ....لك تقديري

[نظرات تؤرقني]

​شكرا اخي بارك الله بيك جعلها الله في ميزان حسناتك

[سامي المشكور]

روووووووووووووعه
كلها حكم ومواعظ
اختيار موفق

قصيدة قمة في الروعة والابداع ... كنت اتمنى ان احصل عليها ... تحياتي لك استاذنا الغالي

[اسماء علي]

كلمات روعة جعلها الله في ميزان حسنات

الشاعر وسام الشويلي وشكرا للنقل