وصفتك غـــزال وشفتك انغـريـت

ذليتــك نعــم كـدام كـل النـــاس
طلع دمعك نطق بس ماطلع حسك

وصفتك غزال وشفتك انغريت
نسيت اني الأسد بأي لحظه افترسك

خنت عشرة عمر شتريد اكلك روح
الله يسامحك فدوه اعتني بنفسك

ماعندي مشاعر ترحم الي يخون
واشوفك ليل مايرحم صبح شمسك

جنت حارس محبتك وانت مني تبوك
اويلي شكد نذل من بكت الي يحرسك

كلت عنك ورد واني اعترف غلطان
وانته جفوفك من تلمسك تنكسك

صرت افرح اشوفك ميت من الظيم
واعذبك واضحك ونضراتي الترفسك

نزلتك بدي الرجلي حته تبوس
وكصر ثوب الكرامه وبعد ميلبسك


ردت تحجي وبعد ماتطلع الكلمات
الكلمه استحت وافعالك تخرسك

الك مديت ايديه توكلك وتحميك
ردت اتعظهه لكن كسرت ضرسك

فاجئتك عبالك نايم وتعبان
واذوب بصوتك واتغزل بهمسك

فاجئتك عبالك ميت من الشوك
واحلم يمته هاي جفوفي تمسك

فاجئتك عبالك بيك ما حسيت
تحفر من ورايه وحضني مونسك!!

اسرارك جبتهن والحقاره البيك
بيرك صار يمي وشفت شيترسك

عمت عينك نصحتك لا تغش وياي
وغشيت وهنتهه النفسك بنفسك

م\ن

الله حياك يازير بكل ماتختار من جواهر الكلمات

تحياتي لك ياراقي مع كل الحب

[سامي المشكور]

روووووووووووووووووووووعه
اختيار راقي جدا
فعلا كلمات تفيض احساس

[سجاد الرحال]

الله الله روعه واكثرمن روعه
سلم الذوق الراقي
تحياتي لك الزير سالم

حياك الله يازير
نعّم الأختيار عاشت يمينك يابطل
مع التقدير والاعتزاز بالغالي ابن الغالي

الله حياك يازير بكل ماتختار من جواهر الكلمات

تحياتي لك ياراقي مع كل الحب

شكرا جزيلاً أختي العزيزة فاتن وهيب
لمرورك العطر
تقبل تحياتي

[كبريــاء رجـل]

يسلموو اخويه الزير قصيده روعه ياغالي تحياتي الكـ حبي

روووووووووووووووووووووعه
اختيار راقي جدا
فعلا كلمات تفيض احساس

شكرا جزيلا اخي العزيز منور الموضوع يالغالي
تقبل تحياتي وتقديري