خلاف عينك يا علي (ع)

أنه اجيت الحظرتك تدريني .... رايد احچيلك يحيدر عالمصاب
انه بيه اجروح من اسنيني .... بكثر ما بعراقنه اندفنت شباب

اخلاف عينك يا علي افتر الزمان .... وتمشي بالمگلوب صارت ناسنه
نصرو الي يستحق كلمة جبان .... وخذلو الي أسمه رفعة راسنه
... يل مئمن الكون ضيعنه الأمان .... انبگنه والباگونه شو حراسنه
والوضع يابو الحسن يا ذيني .... وانه كل لحظة احسن بالعذاب
تايه اولا واحد ايدليني .... ولهذا ادموعي صبت عالتراب

أليتامه اخلاف عينك بالعذاب .... لأن ما واحد لزم حقهم شريف
حالهم يا حيدر ايبچي السراب .... بيوت ما عدهم غفو فوگ الرصيف
بيوت ما رادو فقط رادو حجاب .... يستر الأعراض وشويه رغيف
وانه احسن بالزمن واليني .... لأن ما ألگه السؤالاتي جواب
ليش بعدك يا علي امتيهيني .... واليتامه المثلي عاشو بالصعاب

بالحرام الناس خبطت والحلال .... وبوجههم واضحه ادموع الرياء
خابط يگولون عالماي الزلال .... وحللو يا بو الحسن كل الغناء
ألنساء انشوفهن مثل الرجال .... والرجال انشوفهم مثل النساء
الدنيه تاهت والحزن سابيني .... وعالبشر يابو الحسن عم الخراب
تردني الوادم أبيعن ديني .... وما أفكر سيدي بيوم الحساب

من يمر اسمك تدنگله السيوف .... وما تفك عيونهه اتضل غافيه
والمريض بحظرتك لمن يطوف .... امن الله يابو الحسن يا خذ عافيه
يا علي بجاه الهوت منه الچفوف .... كون هاي الناس ترجع صافيه
وكون تحميهم علي وتحميني .... وما نمدهن للكفر ذني الرگاب
وكون تهديهم علي وتهديني .... وحتى طفلتنه نلبسهه الحجاب
أنه اجيت الحظرتك تدريني .... رايد احچيلك يحيدر عالمصاب
انه بيه اجروح من اسنيني .... بكثر ما بعراقنه اندفنت شباب

كل عام وانتم بخير وايامكم سعيدة بمناسبة عيد الغدير وان شاء الله الثبات عالولايه

نسئلكم الدعاء اخوكم خادم الحسين ان شاء الله

الشاعر

احسان القريشي

[ابو نرجس الحلي]

تسلم وطيب الله انفاسك ....تحياتي لك

[جعفر فرحان]

بارك الله فيك اخ احسان يارائع

[سامي المشكور]

رووووووووووووووووعه
شاعر متالق
بارك الله بك