بقلمي-أيوب ----
بقلمي-{ايوب} كتبت يوم اعدام الطاغيه
{ايوب}
خيمه وحيده
ونار بعيده
وريحة گهوه وريحة هيل
وجيش اذياب
وخطوة خوف
وصحره وليل
وانته ابالي
والموت بعيني تراوالي
واتمنيتك
وما لاگيتك
شگد تانيتك-----
وينك وينك يا ايوب
خافن من شمسك محجوب
يا ايوب الفجر اتزحزح
بس انته الفجرك ما صبح
شمالك نايم وسط الظلمه
خافن ماتت بيك الهمه
شمالك يا ايوب شمالك
خايف --لو مگطوعه اشمالك
من درب الينخاك شمالك
ياريت اعله ادروبي يجيبك ريك
خطوة خوف
وصحره وليل
----------
وينك يا ايوب الغبشه
ناطر همتك
حته اتحط الليل بظلمة نعشه
وين وعودك
شوما جيت
ولا فزعيت
ولا عندك همه وهديت
أطلع يالابد بالبيت
يايوب اسكوتك يكتل
وفجرك طول ما يرضه يطل
يالمتلفلف وسط أهروشك
جاك الفاس يهدم أعروشك
طلع راسك
وحمل فاسك
هد وياي
وامشي وياي
وياهو وياي
انه الوحدي شفت الويل
خطوت خوف
وصحره وليل
--------
يا ايوب النايم دوم
بسك ما كفاك النوم
اتحرك يا ايوب اتحرك
بعدك نايم
بعدك صايم
ما تفطر--- من دهر الفرك
شمتاني
ماخلص صبرك
خافنك منك مرعوب
خافن ميت يا ايوب
خافن ماتت بيك الهمه
وك حته الميت---
گام اتحرك داعه بدمه
لتحيرني ولا تتحير
جيلك يا ايوب اتغير
عدمو جيلك
وجيل البعدك
والبعد البعدك
واليوم احنه بهذا الجيل
خطوة خوف
وصحره وليل
------------
وينك يا ايوب الگاعد
موگد اهلك هب--
وبعدك راكد
بعدك خايف
لو ما شايف
طاح التمثال الي واگف
وهور الميت رد لدروبه
ورد العنبر ---حن للروبه
وانته البعدك ما رديت
وك احاه والف احاه
من خوفك ما گلت أتوبه
الورد اتفتح
ودجله لما مرتها الفرحه
أدچ وتردح
والنايم من ربعك صبح
وانته البعدك اسود وچلّح
شمالك يا ايوب النايم
ما مليت الضلمه بظل اسهيل
خطوة خوف
وسحره وليل
----------
يأيوب شبعد تصبر على الراح
گوم اطحن بذر خوفك على الرح
طاح الخوف دخانه عله راح
راح ليذبح ويصلخ
خروف وللذبح نوخ
لگوه بنگره محفوره
جبان وتشهد الصوره
أطلع يايوب وشوف
الناس تغني تدگ دفوف
هرب الفارس عاف الشگره
وگضوه لابد وسط النگره
وبعد شهور وبعد ايام
أنحكم اعدام
ودفنوه--- وسحلوه من گبره
وانته البعدك يا ايوب بخوفك
حرك زنودك
حرك أچفوفك
لا تتنكر
لاتتعذر
لتگلي
لتگلي ماظل بي حيل
خيمه وحيده
ونار بعيده
وريحة گهوه وريحة هيل
كلمات
ناصر اسماعيل الموزاني
كتبة في يوم اعدام الطاغي
-----------
الاهداء الى كل الشهداء والذين
ذاقوا الظلم في زمن الطاغيه
رد مع اقتباس
رد: بقلمي-أيوب ----
المشاركة الأصلية كتبت بواسطة سمير الكرماني
