نقطة حبر .... بقلمي

عدلــــــــــــــــــــــــين لو ميتـيــن؟
ترمش عينكم يحبــابي لو غافيــن؟
مر ســــــــنتين وانتــم ما تذكــرون
مر سنــــــتين وانتم حــسبت ناسين
ما جاني خبر منكم ... ولا مرسال
وانه بدونكم ورقة بوســــــط نارين
انه بدونكم ... كلمة بلايا الســـــــان
انه بدونكــــم ظل بوســــط شمسين
كلبي الذاب بيكم ... ما بعد بي حيل
وانه بكلـــــــب عايش.. والله موكلبين
ياطشة ملح حضنتها كومه جروح
ياعمر وتفرهد بين جف البيــــــــن
يا فيّ الكـزاز وشمس هجرك كيض
ومعاكب سمومك ذبّل النســـــــــرين
حرت مابين اجفي وبين اضل وياك
مثل نقطة حبر حارت بين سطرين
ما يعلــــه الزرع لو ما يجيس الكاع
ولا ورده التخضـــر دون حفنة طين
ولا شريان ينبض دون دكت افـــــاد
ولا كســـــــر التجبّر دون المجبرين
اصفن وي عذابك صفنة المديون
ونود من الثكل لو متني هدّه الدين
واكول انته الحبيب شما قسيت وياي
وابرر هالقساوة بقســـــــوة محبين
احط على الشفايف بسمه رخص الموت
وتتبسم ركبتي الحزّة السجـــــــــــين
واتمايل طرب من دون دكــــــــــة عود
واميل بلايا طور ولا غنا مغنيـــــــــن
يا دكان عمري البعت بيه الروح
ماني بهوى ملاهد لا خلك شارين
اخذني الجنتك مو حقي هاي النــــــار
انه الجنتك وفيّت طاعه وديــــــــــــن