علي ميزان جفك

علي ميزان جفك للعدل موصوف
والسانك الكلمة حروف يوزنهه
ماكدرت تغرك دنيتك هيهات
عنهه اندار وجهك من ضحك سنهه
حوريه وحلالك لو ردتهه تصير
لاجن ماردت مولاي تحضنهه
بعيون البشر جانت ذهب تنشاف
وبعينك رماد اجمل محاسنهه
بلغت امن الزهد حد الفقر مولاي
صدك متعة العمر بس ماتثمنهه
يمراية شرف تعكس ضوة المعبود
واسرار العلم نورك يبينهه
واذا ردنه نقارن بيك مولاي
بعض اهل النبوة نشوف معدنهه
ادم ظلم نفسه بشجرة التفاح
من رب العرش كله ابتعد عنهه
وكذلك نوح جان ابنه الشرك بالله
وانت ابنك حسين الجنة ضامنهه
وموسى الى نبعث يدعوا البشر للدين
كله ارجوك ربي الروح طمنهه
اخاف اقتل الهي بحضرة الفرعون
وسيوف اعلة كتلي الظالم يسنهه
لاكنك رحت لاهل الكفر مبعوث
رحت بزنود شايل اية القران
مابين الرماح بصوت تعلنهه
وترى النسبة كمالك ماوصل موصوف
بيمن ياعلي افظالك نقارنهه

بقلمي
وسام السيد وسام

[ابو ابراهيم الخزرجي]

بارك الله فيك وبهذه القصيده الرائعه بحق الامام علي عليه السلام
لقد ابدعت في صيغ الكلمات
تحياتي وخالص الامنيات وننتظر جديدك يا مبدع

[أحمد الكعبي]

كلمات الثناء والمدح لاتفي بحق شخصكم الكريم
فقد ابدعتم بهذا الطرح الجميل
أحسنت ياغالي وجعلها الله في ميزان حسناتك
تقبل مروري المتواضع

[زهــراء]

جزاك الله خيرا لما كتبت في حق الامام علي عليه السلام والأمام الحسين
جعلها الله لك دخرا في الآخرة وزادا تتشرف به يوم القيامه

تقبل انحناء شكري لسمو كلماتك ..
ولفيض روحك ..
دمت رائداً للإشراق ..