الاعوج اصل ما ينعدل فرعه

مااغلط بعد والعبهه صح وياك
واظل استاذ واملك حرفه الصنعه

ولااعدلك لان عودك عواجه هواي
والاعوج اصل ماينعدل فرعه

اذامن ماي وجهك كاموا يلمعوك
لدور عكب ماي الوجه سمعه

مومثل الشفايف ترتوي بالماي
لخشب تدري يتفطر من تجي تنكعه

كلشي بوكته ازرعه وعاين الفلاح
تره الفلاح هيبة مهنته بزرعه

وموعيب التمشه بهيده ويه الناس
بس عيب اليطير ويوكع بسرعه

اكو هوايه فرق لدكلي متساويين
وحقك تختلف وك دمعه عن دمعه

الهوه يبجي الثلج ودموعه تنزل ماي
بس دمعتهه تجمد بالهوه الشمعه

تره ابيت الشرف يستحي يطب العيب
وبيت الرذيله عيوب متجمعه

يظل البيت اعمى الطلك الشباك
حتى لوبوبه كلهه اعله الهوى امشرعه
راق لي

حبيبي الغالي ايليا
انت رائع بكل ما تختاره الينا
عاشت ايدك
روعه

[سجاد الرحال]

اخي ايلياانتقاء جميل ورائع
تقبل مروري لك فائق
احترامي

[الشاعر يوسف الذهاب]

راق وطاب لي مانتقيته اخ ايليا الغانمي

نعم !! اصلك نبيل وظاهر انته عليك
واصلنا الوصلانه لهالحال ونجرعه
نطبطب عل الجتوف ونكول عفيه انوب
محال هذا الحال منلبسه وانزعه
بس يابيت الطهر!! شجابك عله العيبات؟؟
ماهي محجبة وجانتلك مفرعه
وياهو القشمراك الذيب لو حرباء
تتلون عليك الوان قوسها السبعه
وياهو اليعدل الميله دكولي شبيك
ولو مال الحمل اهله ترى ترفعه
نعم مثل الزبد يروح من الماي
ويبقى الينفع الناس وناسه ترى تنفعه
نعم اصل الكريم يظل فوك الروس
وما يحتاج احد يمسحله ويلمعه
يا بأس الحرف لو طاوعك ترميه
تصلخ منه اصله وتوصخه ودفعه
وتتهم بيه غيرك وتترفع انته عليه
وتنسى اصلك ترى كلهه ولد تسعه

تـصـح چلمة تعادل طكَها ديوان
ويصح ديوان ما يسوالة چلمة
ويصح زلمة مو بس زلمة ينكَال
ويصح واحد حرام انكَله زلمة
ويصح لابس هدم بس هو عريان
ويصح واحد يغطي الناس هدمة
وتصح اجدام تمشي ويسبها التراب
ويصح واحد تبوس الكَاع جدمة

اختيار اجمل من جميل تحية لك من القلب

[الشاعر يوسف الذهاب]

لورنس العرب رائع الذي
راق لك