هذا الموت ...نهاية لكل أنسان ...للشاعر عريان السيد خلف
هذا الموت
جسر للا نهاية أعليه كلنا أنفوت
هذا الموت
هاجس يبتدينا بلحظة التكوين
ويرافقنا العمر من غير ضجة وصوت
على جف المنايا مشردين أنام
ونركض على الدنيا ونبني بيها بيوت
ونتعافى ونذم بالخلكـَ هذا وذاك
وعلى غفلة وزركـَ جدامنا التابوت
حاضر وأربعينك بعد ما حلت
وروحك يالعزيز بروحنا أنشتدت
يالحاضر عزاك اتعزي المعزين
وتسكت الناعي العبرتة أحتدت
يا عصر الفواتح يا زمان الموت
كافي من الذبح مو ناس ما ظلت
ضاكَت كَاعنا من أكَبور فوكَـ أكَبور
وفوكـَ أكَبور أهلنا أكَبورنا أتعلت
كل يوم بهبية وكل صباح بضيج
مثل سف الحصير الزلم تتسلت
للشاعر عريان السيد خلف
خط هنا
شقيق عراقي أصيل
رد مع اقتباس
مشاركة: هذا الموت ...نهاية لكل أنسان ...للشاعر عريان السيد خلف
