بعد ما نمشي
ذات يوم قصفت القوات الامريكيه جسرا استراتيجياً في الرمادي وقد
اعترفت بذلك وخرج علينا من يقول ان الجماعات المسلحه هي التي قامت
بالعمل الاجرامي فكانت القصيدة
بعد مانمشي ونغامر صار ممنوع العبور اشبيها امريكا وشجاها تضرب تهدم
جسور والسياده مو سياده ماتت بيوم السياده
جيب نسوان المحله تندب الها اشموع تشعل عالكبر تعلك بخور
والمعلم بعد ليعلم قراءه عالجلد يكتب مهانه ومنها يمسح دار دور
والمهندس لايفكر يبني ويعلي عماره احنه شلنه بالمباني بالمسابح
احنه شلنه بالقصور كااع اهلنه اسجلت بالطابو صارت صالحه
بس للكبور وانت لازم يامواطن تنتخب يوم الرهان برلماني
مو مهم جنسيه عنده ولايهم المن ولاءه الاهم تقره الوصايا والوصايا
صنف دمه نوع ناقص فاقد لمعنى الشعور
وكلها زور ماكو صح بهل البلاد لاتعب حالك وبيها تدور
الخرايب فلشوها وكالو انبني قصور والكياعين الخذوها كالو
انزرعها بور يبسو ورد الحدايق كصكصو جنح الطيور
وعودهم صفطات نامت تناطر بيوم النشور
باكو الناعور منه وبالعكس خلوه يدور هاي مو هيه السياده
صارت اللبه بديهم وحنه بس النه الكشور
ودور ياناعور دور اطحن اضلوع اليتامى وجيب للجايع فطور
رد مع اقتباس
رد: بعد ما نمشي
رد: بعد ما نمشي
