محكمـــــة الغـــــــرام(بين حبيبين)

[سجاد الرحال]

محكمة الغرام
القاضي
خل نفتتح جلستنه ونسمع الشخصين
ونقـــــــرربعـــدهــــالأحـــــد الطرفيــــن
والمذنــــب يبيــــن واحـــــد امنثنيـــــن

المدعي العام
ياسيدي القاضي ارجوك اسمعنــــي
هايه اللائحــــه العديتهـــه تونــــــــي
مابيهه اتهام الاحدالاطراف بس يبقى قــــــــــــرارك الحاســـــم المعنـــــي
خل نسمع الاول شنهي راح ايكَول وآخرته الحجي شنهـــي
حسب حجيه يكَول انه جنت مضلــوم
وهيه اتكَول هوه الجــــان ضالمنـــــي
وحسب حجيه يعاني بحبهه صارسنين
وهيه اتكَول مـــن اسنيـــن هاجرنــــي
وحسب حجيه تعذب كَلبه شال اهموم
وهي تبجي وتكَول الوكــــت دمرنـــــي
وهويعتب عليهه بسبب بعـــــدالصــــــار
وهي بررت موقفهه البعدكَالت تره ذلني
خل نسمع كلام الاول اوشيكَول؟حجيك شنـوفهمنــــي

الطرف الاول في القضيه
جنت احبهه وجانت اغله امن الهوى اليسري بفضاي
وجانت الكَلبي حبيبه وترسم البسمه الشفاي
اوجانت الحضن الحنون البيه الوذن من اذاي
اوجانت السجه الوحيده الماتزل عنهه خطاي
اوجنت اضنهه ارض خصبه بيهه زرعي ايعيش لوكَطعو الماي
اوجنت اضننهه تداوي اجروحي كلهه ولاتخلي ابكَلبي داي
اوماحسبت احسابي لنهه اتعوفني وتترك هواي
اومادريت ابحبهه نزوة وكت وتغير الراي
اوماحسبت اتصير جمره اوتجوي كَلبي
بعدماجانت نجم يضوي ابسماي
هذاكل ماعندي كَلته وانته ياسيدي القاضي اعدل ابحكمك معآي

المدعي العام

اذآني كلامه حيل وياهم البكَلبه حيل المني
ماضنيت كل هذاالالم مربيه وهمومه جبيره اوبيهه حيرني
واتعاطف معاه موبيدي اجبرني
وخل نسمع كلام الثاني شنهوايكَول حته انوب اقررمنو اعليه مجني


الطرف الثاني في القضيه

انه احبه امن الطفوله وحبه عاش سنين بيه
ويامه عانين اعله موده اهواي شفت اهموم وآهآت اواذيه
اوجان الي واحة عشكَ خضره ابجناينهه الزهيه
اوجان الي دار الضيافه البيه معاني الاريحيه
اوجان عيني البيهه اشوف الناس لومروعليه
اوجان اليه اويامه جان اشواق وافراح اوحنان اواحله دنيه
لكن ابغفله الزمان اندار بيه
اوبعدماجنه حبايب صرنه كل واحدابنيه
مدري ليش اتباعدينه والسبب ماهوامنديه
السبب اغراب اجونه اورادو ايزرعون بينه الطائفيه
هذاسني اوذاك شيعي اوذوله من الطائفه الصابئيه
اودمروارض العراق الطاهرة الحره الابيه
هذاكل ماصارياسيدي القاضي وانته احكم بالقضيه

المدعي العام

ماعندج ذنب باللي جره والصاريابنت العراق الصافيه النيه
يخسه الرادايذلج مهماصاراودارراسج دوم عالي يالعراقيه
يضل بيت العراقي من زاخوحدالفاوواحدواله قدسيه
ياسيدي القاضي اطلب التعجيل تحكم وابعلانيه
تردشمل الاحبه العانو الحرمان واترجع الضحكه الصفت منسيه


القاضي
محكمـــــــــــــــــــــــــــــــــــــــــه

قرار المحكمه يامدعينا العام بسم الحب والمحبين
حكم الطرف الاول بالقضيه
يردويه الحبيبه الحبهه من اسنين
حكم الطرف الثاني بالقضيه
ترجع وي حبيب الروح احبيبته العليهه نشف دمع العين

حكم بالاتفاق اصدرعلن افهم وراضي بحكمي الخصمين
روحوالله يسعدكم بعد محديفرقكم عراق الخير بس الكم مهماحاولوماكَدرو ايسوون ابناء الوطن نصفين
هل انتم ابحكمي وابقراري هذامتفقين


الطرفين
نعم ياسيدي القاضي متفقين متفقين متفقين
اويضل شامخ وطنه اوبيه مفتخرين



بقلمي المتواضع

حوار رائع في محكمة الغرام
عاشت الايادي اخي سجاد
لا تحرمنا من فيض قلمك الرائع
تقبل تحياتي وتقديري

[سجاد الرحال]

الزيرسالم شاكرمرورك اباليلى المهلهل ولك وافرالتقديروالاحترام دمت بالف خير