اذا همك طويل

[سامي المشكور]

==اذا همك==
اذا همك طويل اتصاحب وياه
لا تزعل عليه يموتك الهم
كل الراح منك حاول انساه
لتظل اعله ذكر الراح تحلم
دگ الماضي سچه وعبر الاه
وحفر للحزن وانصبله مأ تم
دور ع الفرح لابد متلگاه
العطر مو بالشكل ينعرف بالشم
زمانك چم وطي ليفوگ علاه
وبحضرت الواطي الزين ينذم
لا تگصد لئيم بشده تنخاه
يرجعك لو رحتله وتالي تندم
شد جرحك بصبرك سكت الاه
وبالك لو شفت شمات تهتم
جلاد الزمن لتگله احاه
ظل اصبر مكابر لو طلع دم
اذا همك طويل اتصاحب وياه
لاتزعل عليه يموتك الهم

منقووووووووول

[الشاعر يوسف الذهاب]

جلاد الزمن بمثابة الدرة في قلادة تلكم القصيدة الجميلة.يوسف الذهاب

[عادل الموزان]

انتقاء فائق الروعه تسلم ياوردة تحياتي

[خليل الشرابي]

شكرا أخي سامي على هذا النص الجميل الذي نقلته لنا
بس والله مؤلمة صحبة الهم ، رضينا بالضيم و الضيم ما رضا بينا


بقايا جرح
الشرابي