دارميات بقلمي

[نــونــة]

بيدك تريد تروف وانت جرحتني
سمجه وصرت بلماي وانت الصدتني

يلي فزعت بليل سمجه انه بيدك
وابجيلك انت الماي محتاجه اريدك


كون انت تدري شلون من يمر طرواك
كل جسمي يرجف حيل لك اني مشتاك


كافي بعد مليت وملت الغربه
وين اهلي والخوان ولمه الصحبه


هيه شبقت بلروح من عني امشيت
دمع وقهر وهموم زفتني للبيت


ساكت حبيب الروح ساكت ولارد
ومن اسمع بطرواه من نومي اكعد


شلونك يبعد الروح اخبارك يغالي
كل لحظه انت وياي شاغلي بالي


كافي ولك مليت كافي من الفراك
عذبني بعدك حيل يوميه اشتاك


سجه وطريق طويل هذا انه دربي
بحبك صحت ياويل سترك يربي


كلبك غدر بهواك وامشيت عنه
انت البعت سويت عشرتنه منه



ردت انه يوم انساك يلي غدرتني
بلكلب سبع سهام منك اجتني



يادنيا بسج عاد همج كتلني
قهر وسهر وهموم ماوكف وني







اني الي عشت بضيم جيف اني بزون
جوعان اجيت بليل صبلي فد ماعون

ابوذيات جميله جدآ
سلمت لنا هذه الانامل الذهبيه ع ما خطت
ودمتِ ودام لنا قلمكِ الرائع

لنفسكِ الراقية كل أمنيات السعادة ..
ولروحكِ توقد .. قناديل الفرح ..
تحياتي لكِ

[اسيرة الوطن]

اني الي عشت بضيم جيف اني بزون
جوعان اجيت بليل صبلي فد ماعون


ههههههههههههه حلوه هاذي
نونه
عاشت ايديج
حلوات كثييييير
تحياتي
اسيرة الوطن

[خليل الشرابي]

سلمت اناملك اختي العزيزة
على هذه الدارميات الجميلة
وهذه المشاعر الدافئة
وأرحب بك في اول مرور لي من هنا
و أتمنى لك التوفيق و التالق الدائم في ربوع فراتنا الغالي
بانتظار المزيدمن بوح قلمك المبدع




على درب اليمرون
الشرابي

[نــونــة]

شكرا لكل من مر من هنا
واتمنى ان اكون قد وفقت في كتابه
الدارمي تحياتي للجميع نــونــة