ياما عالجرح تصعد واشلبيك ( زنجيل رائع )

[بلسم الروح]

ياما عالجرح تصعد واشلبيك
وانتة من الوفة ماظن وشل بيك
تريد انوب ارجعلك وش البيك
حسبالك كبل تضحك عليه؟
واجي لبيك من تصرخ وشبيك ؟
ومن ازعل فلا تسئل وش بيك
اصير النار اتمنة واشب بيك
خاطر تعرف انتة شصار بيه
وماترجع بعد تكمش بداية
لان انتة الكلت كلمن بداية
تظن هاي النهاية لا بداية
لان درب الشمس مابيه فيه
وانتة الليل وياية مترهم
والترهيم مو ثوبك مترهم
انة بلكبي من عندك متر هم
وانت مليم ماتحمل اذيه؟!
وهاي تهون خوش اكلة اكلهة
واسئل عاللذي كبلك اكلهة
لاتسئل غشيم انتة اكلهة
نعم كلهة ولاتخلي بقية
لان تنرد عليك وتظل صافن
وتكول شلون كلهن علي صافن
مو جنة كبل ياخلي صافن
شجاك ورحت وك تلعب عليه
مو تدري اللعب بالحب مدور
الحزن همين ابشرنك مداور
من كلبك فطم كلبي مدور
على غيرك لان خريج اذيه
ويعرف شنهو بيك الصار والدار
وترجع بالفشل للكلب والدار
جنت مرصعك بالذهب والدر
لكن حضرتك عضيت اديه
وكلت ماريد حبك والهداية
وتدري كل اذيه والهداية
لاتطلب رضاية والهداية
من ربك ابد مو صنع اديه
وربك يعرف العايل من العال
ويذبك لو طرت صدك من العال
انة كلبي خلص ابعد من العل
وانسة انة وانتة نرد سويه

منقول

[كبريــاء رجـل]

اااااااالله عليج اختي بلسم الروح مشكوره خيتي زنجيل جميل من اروع الابوذيات تحياتي لكـ

[شاطئ السلام]

الله عليكي بلسم الروح زنجيل رائع
وانتقاء مميز
تحيتي لكي

[خليل الشرابي]

أبيات جميلة و اختيارات موفقة
حقيقتا أستمتع كثير و انا اقراء اختيارتك


تقبلي مروري من هنا ......
مع كل الأحترام و التقدير لما تقدمونه في مندى الفرات

[سلام الدراجي]

زنجيل اكثر من رائع
واختيار مميز
سلمت يمينك على النقل بلسم
تقبلي مروري
سلام الدراجي

[الشاعر محمد الحميداوي]

رائع كروعتك بلسم استمري سيدتي ومتعي قلوبنا بما تخط يداك وينتقي ذوقك من روائع الهمس .....تقبلي مروري

[الشاعر يوسف الذهاب]

{والترهيم مو ثوبك مترهم}
اختيارات جميله ورائعـــــــه تقبلي مروري