سالم ياوطن شامخ تضل للدوم

[سجاد الرحال]

سالم ياوطــن شامــخ تضَـــل للدوم
بعون الله تضَـــل مامــــونه بيبانَـــــك
مفاتيحك بدينــــه ويتعـَــب البـــــواكَ
ندوسه بل(؟) كــــل شَخـــص خآنك
مهماحاولـــو ماكَــــدروايطيحــــــــوك
كَمت من طيحتك ذليــت عدوانـــــك
والينكراحسانك ياوطـــــــن خيشيـل
ماله امجان عدنـــــــه بين احضانـــك
شكثرعالوعليك وماطحت فديـــــــوم
وجابت حمتك رجليـــــــن جيرانـــــك
نسوكل تضحياتك ياعـــــــزيزالشــان
وهي دامت دولهم بدِمـَـــــه شبانك
عليك اتآمــــــرورادوك بَس اتطيــــــح
جازوك بخيــــــانه ردو احسانـــــــــك
يانبع الحنان وموطـِــــــن الاجـــــــداد
واضح للعيـــان ايـــــدوم عنوانــــــــك
تضل خيمتنه انته الوافيه اعله الراس
ونضل ابرار اِلــــك ونزيــــل احزانـــــك
سالم ياوطن شامـــخ تضَــل للــــدوم
بعون اللــــه تضـَـل مامـونــه بيبانـــــك




جديدقلمي المتواضع

[سامي المشكور]

سلمت اناملك اخي سجاد
ننتظر القادم منك
لك خالص الموده

[سجاد الرحال]

تحياتي الك اخ سامي المشكور وشاكرمرورك القيم مع فائق احترامي

[كبريــاء رجـل]

والله عمي شريد ارد عليك
اذا انت جبل من الابداع
بس اكول الله يستر عليك
ويديمك النا ياغالي
لا تحرمنا من عطاءك الجميل
تحياتي الكـ

[محسن المفرجي]

جميل جدا ماخطت اناملك ويستاهل العراق
كل كلمات الحب والوفاء تحياتي

[سجاد الرحال]

اخي محسن المفرجي تحياتي لك نورت متصفحي بكلماتك الجميله لك فائق تقديري

[سجاد الرحال]

اخي كبرياء شكراًلمرورك الرائع انرت متصفحي
بكلماتك الرائعه ياطيب

[سلام الدراجي]

والله وعاشت ايدك على هذه القصيده الوطنيه
تسلم يمينك ياسجاد
تحياتي مع الود