عشك الفرات

لاتلوموني بعشك الفرات

صغير بحضينو أتدلل
هو إلي رعاني اشكثر
تحمل شكاوةهالجهل
رعاني واتحمل الضيم
والكهر مايوم تململ

***

دايم الدوم ومنه
الخير والصبر أنهل
فراتي وذكرياتي وحياتي
واسرارالعشك الأول
بحروف الفرات اتباهى
وبكل كصيدة بيه أتغزل
***
فراتي الخير وهنا
لبسني أثياب وفصل
الغريبه بيه الفرات
بس يشوفني أزعل
الدنيا الوسيعة تصغر
وينوح ويحزن ومايتبدل
***
حاولت أعرف السر
بيني وبينه ماأندل
هو يهواني وآنا أكثر
فرات اطلب اتدلل
تظل ياحياتي وعمري
إنته محبوبي الأول
***
أحوطك دوم بحرز
ادعي الخير بأرضك يتحول
أعذرني عن بوحي
وعشكي للفرات شلون اتحول
أذا عاتبتوني بالعشك
اعلنها بصراحة هو الأول
***
وأذا أحد يغار منالفرات
يعذرني إشكثر هو هول
كل إنسان وأسراره
وآنا سري بالفرات اتجول
أشم رياحين الشطآن
***
وبماي الطهر أتغسل
إذاً أعذروني بهواي
عشك الفرات ومايتحول
هواي هو التالي
والأول وصعب يتبدل
***
شعر
خالدالفرج

[قرة العين]

احسنت اخي الكريم خالد الفرج
والله يعطيك العافيه
ابيات رائعه وجميله
لاحرمنا الله من عطائك وتواصلك معنا
تحياتي وتقديري لشخصك الكريم

قرة العين
فاح شذى عطرك الزكي في متصفحي
تحياتي

[بلسم الروح]

الله الله
بارك الله بك اخي الكريم
احسنت
جزاك الله خير ا على تلك الكلمات المعبرة
لك تحياتي
وجل احترامي