ازرع جــرح ....................... بقلمي

[عقيل كريم الشويلي]

أجرح خلي جرحك بيه يكبر
وبيك اشما ردت كرر وعيد
ولا تسأل أعله الجرح لمن تخليه
خله بأي مكان ولك وين متريد
شوف..أزرع جرح أبنص الكلب
خاطر كل دوه وياه بعد ميفيد
وأزرع ثاني جرح أبنص العيون
حتى ما أبجي أشوكت ما ريد
وبعد ماريد أفرح أنه بكل يوم
اريد ألبسلك أسود لمن يجي العيد
خلهن ينـزفن مادورلهن أضماد
وزيد أشما ردت بيهن بعد زيد
وخاف واحد بيهن فكر ايطيب
أذر الملح فوكه وبعد ميهيد
أشبيك خل نتعاون أنه وياك
عله اجروحي وبيهن انزيد
وخلهن ينزفن لأخر الايام
هذا انه وياك مني بعد شتريد

بقلمي الشاعر
عقيل كريم الشويلي
11-8-2011

روائع ما خط قلمك
عزيزي عقيل
شكراً لهذه القصيدة الجميلدوم التألق والابداع
مع تحياتي

[نــونــة]

قصيدة رائعه ودومك مبدع اتمنالك التقدم والابداع
في مجال الشعر
تقبل مروري

[امنيات ضائعة]

وبعد ماريد أفرح أنه بكل يوم
اريد ألبسلك أسود لمن يجي العيد
اااااااااااااالله
كلمات جميلة
دائما مبدع في كتاباتك

[همزة وصل]

همس جميل..وبوح أجمل

يا جرح يلجمني بيكم حيل ألجمه
دمت لمحبيك وعاشقي أبداعك