زهيرياتي

[محسن المفرجي]

مالحضه كَلبي هده بليل وجفن ناملي
علّي هجرني ومشه اصفج وعض ناملي
ذبلني وانا الجنت عود الخضر ناملي

هيهات يحصل بعد وياه اليه ولم
بجفاه دهري النذل حضر جيوشه ولم
مايكفي اله بلكلب يحركَ ابيوفي ولم

لله اشكي الحزن يبلي الذي ناملي

أبه جفني لذيذ الوسن مانام
ذبل عودي عليه وبعد مانام
عسه كلمن ينم ايصير مانام

شفلح ماكله وشربه المنيه

(جديد قلمي)

[كبريــاء رجـل]

اااااااااااااااااااااااااااااااااااااااااااااااااا االله الله يارائع اخي محسن المفرجي
مبدع بكل ما تحمل الكلمة من معنى
اجمل زهيريات وربي عاشت يمينك ياغالي
تحياتي الك ياطيب

[محسن المفرجي]

انت الاجمل اخي كبرياء اشكر مرورك ياغالي
تحياتي

روائع الجمال
كلمات تناثرت معها اوراق الازهار
وهبت معها نسيم البحار
جميل جداً ما خط قلمك
اخي العزيز
"محسن"
لا تبخل علينا بجديدك
مع تحياتي

[محسن المفرجي]

اشكر مرورك الجميل اخي المحظوظ وشكرا
على التعليق الجميل تحياتي